Habacuc 3:13 - Tayta Diosninchi Isquirbichishan

¹³ Gamga shamushcanqui sirbishoj runacunata yanapänayquipämi. Shamushcanqui quiquiqui acrashayqui rayta yanapänayquipämi. Mana allita ruraj runacunapa mandajnintaga ushashcanquimi. Chay fiyu runa mandashan nasyuntapis pasaypami ushashcanqui. Selah

Habacuc 3:13 ပူးပေါင်းရင်းမြစ်များ

2 Samuel 5:20

Davidpis aywar chayaran Baal-perazimman. Chaychömi Filistea runacunata binsiran. Nircur niran: «Aypalla yacu aywajnömi Tayta Diosga contrancunapa chaupinpa päsanäpaj camacächisha.» Chaypitami pillyashan partita jutichaparan Baal-perazim nir.

Salmos 105:15

«Ama yatapaychu acrashä runacunataga. Profëtäcunatapis ama ñacachiychu» nir.

Salmos 105:26

Chaymi Diosga sirbejnin Moisesta, Aaronta cachamuran. Paycunaga caran acrashan runacunami.

Salmos 110:6

Runacunata paymi jusganga imano rurashanpitapis. Gotuyninpami wañuycachenga. Cay pachacho cajtaga achcajpatami umantapis paquirgärenga.

Salmos 137:7

Tayta Dios Edom runacuna nishantaga ama gongaychu. Jerusalén mana alliman chayaptin paycunaga cushicuypita gayarparan: «¡Illgächiy! ¡Illgächiy! ¡Llapan simintuntinta illgächiy!» nir.

Salmos 20:6

Nogaga musyämi acrashan rayta Tayta Dios yanapänanpaj cashanta, tiyashan rispitädu syëlupita-pacha wiyamunanpaj cashanta, munayninwan salbananpaj cashantapis.

Salmos 28:8

Tayta Diosmi acrashan runacunata imapitapis chapäga. Paymi acrashan raytapis yanapan, imapitapis chapan.

Salmos 68:7

Tayta Dios, acrashayqui runacunapa ñaupanta chunyajpa shamuptiqui Selah

Salmos 77:20

Acrashayqui runacunataga uyshata gatejnömi pusharayqui. Moiseswan y Aaronwanmi pushachirayqui.

Salmos 99:6

Aaronwan Moisés cürancuna caran. Samuelnami caran Tayta Diosta mañacoj. Paycuna mañacuptin Tayta Diosnami yanapaj.

Isaías 63:11

Chayrämi paycunaga yarpäriran unay watacunacho imano cashantapis, Moisés cashan wichan imano Tayta Dios salbashantapis. Chaymi ninacuran: «¿Maytaj uyshërunno caj Moiseswan acrashancunata lamarpita salbaj Dios? ¿Maychötaj caycan Moisesman Espíritu Santunta churäga?

Isaías 64:1

Ojalä syëluta quicharir urämunquiman. Ricärishushpayqui puntacunapis chucchunmanmi.

Ezequiel 13:14

Pergata lajtashayquitapis ushajpämi tunirachishaj. Chauraga simintuncunapis alayrimi ricaraycanga. Perga juchuptin gamcunapis chaychömi wañunquipaj. Chayrämi musyanquicunapaj noga Tayta Dios cashäta.

Amós 9:1

Tayta Dios ribilamaptin payta ricarä altarpa ñaupancho ichiraycajta. Paymi cayno niycaran: «Pilancucunata tacay, chayman jamaraj numralcuna cuyurinanpaj. Chaymi juchur runacunapa jananman shicwamonga. Gueshpejcunatapis sabliwanmi wañuchishaj. Imanöpa gueshpiyta munashpanpis manami ni jucnayllapis salbacongapächu.

Josué 10:11

Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Josué 10:24

Josuëman chayaycachiptin, payga llapan Israel runacunata gayachiran. Nircur paywan caycaj mandaj suldärucunata niran: «Cayman shaycamur raycunapa cuncanpita lluchcay.» Chaura paycunaga nishanno ruraran.

Josué 10:42

Chayno ushacächinanpaj Israel runacuna yäracushan Tayta Dios yanapaptinmi pachacarashanman mana cutiyllapa llapan chay runacunata ushacächiran.

Josué 11:12

Josuëga waquin siudäcunatapis chaynölla ruraran Israelcunapa contran parlacojcunapataga. Binsiycur raynincunatapis wañuchiran. Tayta Diospa sirbejnin Moisés nishannömi ushajpaj illgächiran.

Josué 11:8

Tayta Diosmi Israel runacunapa munayninmanna cachaycuran. Chaynöpami gaticachar chayachiran Sidoncho caj siudäcunaman, Misrefot-maimman. Inti yagamunan cajpana chayachiran Mizpa pampacama. Chayno pillyar manami jucnayllatapis cawaycajtaga cacharanchu.