Habacuc 2:9 - Tayta Diosninchi Isquirbichishan

⁹ «¡Ay imanöraj canqui suwacuna! Gamcunaga wasiquimanpis juntachishcanqui ima-aycatapis suwacuyllapami. Chayno shuntashcanqui disigrasya chayamuptin salbacunayquipämi.

Habacuc 2:9 ပူးပေါင်းရင်းမြစ်များ

Salmos 49:11

Chacrancunata quiquinpa jutinta churapasha captinpis, sepultürarämi mana ushacaj wasenga. Chaychörämi para-simriga goyanga.

Salmos 52:7

«Masqui ricay, Tayta Diosman mana yäracoj runata, rïcu cayllanman yäracushpan mana allita rurajta.»

Isaías 28:15

Gamcunaga nircaycanqui: «Wañuywanmi parlashcäcuna fiyupa manchariypaj mana alli chayamuptin nogacuna mana wañunäpaj. Nogacunaga llullacuypami pacacushäcuna. Engañaypami chapacushäcunapis.»

Isaías 5:8

Ay imanöraj canqui juc-lächo juc-lächo wasicunata rantiycajcuna, chacracunatapis masta-masta shuntaycajcuna. Chayno rurarmi juccunapäga imatapis mana cachaycunquinachu. Nircorga tiyacaycärinqui chay nasyuncho gamcunalla caycajnöpis.

Jeremías 17:11

Engañayllapa rïcuyaj runaga caycan chacwa jucpa runtunta ogllajnömi. Mana yarpashapitami llapan riquësancuna cachayconga. Chaura ushanantaga pasaypa pobrimi ricaconga.

Jeremías 22:23

Canan gamga, sedrupita rurasha wasichömi tiyaycanqui. Líbano Munti jutiyoj palasyuyquita rurarcachirmi gueshtachöno cushisha goyaycanqui. ¡Ichanga nanaycunawanrämi fiyupa ñacanquipaj! ¡Chayrämi canquipaj gueshyacunanpaj warmita nanay charishanno!»

Jeremías 49:16

Pï-maytapis manchachej cashayquimi, alli-tucushayquimi engañashurayqui. Gagapa shillincunachömi tiyarcaycanqui. Altunnin puntacunachömi pachacaraycanqui. Ichanga ancacunano altunnincho caycajtapis urächimushayquimi. Noga Tayta Diosmi chayno në.

Jeremías 51:13

Babilonia nasyun runacuna, gamcunaga carcaycashcanqui jatun mayucunapa lädunchömi. Llapanniquipis gampaga fiyupa aypallami casha. ¡Cananga chayamushanami ushacänayquipaj öra! ¡Manami canquipänachu!

Jeremías 51:53

Babilonia runacuna syëlucama wichaptinpis chapacuna pergacunata altuta pergacurcuptinpis Nogaga contrancunata cachashämi yaycuycur ushajpaj illgächinanpaj. Noga Tayta Diosmi chayno në.

Ezequiel 22:27

Mandajniquicunaga carcaycan micunanpaj atojcuna aychata rachipänacojnömi. Paycunaga runacunata wañurachirmi ima-aycantapis apacushanwan rïcuyaycan.

Abdías 1:4

Ancano may janajcama wichaptiquipis, goyllarcuna caycashancho tiyanayquita ruraptiquipis chaypita garpamushayquipämi.

Judas 1:11

¡Ay imanöraj canga paycunaga! Paycunaga Caín rurashannömi ruran. Guellayta chasquinan-casha Balaam rurashannömi ruran. Chaypitami chay llutan yachachicojcunaga Moisespa contran rimashanpita Coré ushacashanno ushacanga.