Habacuc 2:7 - Tayta Diosninchi Isquirbichishan

⁷ Chaypitami mana yarpashayqui junaj ñacachishayqui runacunaga ayñita cutichishunquipaj. Chay öraga fiyupami mancharachishunquipaj. Llapan charashayquitami apacongapaj.

Habacuc 2:7 ပူးပေါင်းရင်းမြစ်များ

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Eclesiastés 10:8

Pipis uchcuta uchcoj cäga chaymanmi yaganga. Pipis curral pergata ojtej cajtaga culebrami cañenga.

Isaías 11:13

Efraín runacunaga mananami Judá runacunata chiquipanganachu. Judá runacunapis mananami Efraín runacunata rabyapanganachu.

Isaías 41:25

«Inti yagamunan caj-lächömi juc runata yurichishcä. Paytaga jutinpami gayashcä. Payga norte caj-läpami chayamonga. Mandajcunatapis mituta-jinami lluchcarenga. Manca-ruraj mituta lluchcajnömi rurarenga.

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Isaías 47:11

Gammanga fiyupa disigrasyami chayamoj-aywan. Chay disigrasya imay cananpaj cashantapis manami musyanquipächu. Fiyupa mana alli chayashunayquipaj cajpitaga manami imanöpapis gueshpinquipächu. Mana yarpashayqui fiyupa mana allicunami illajpita chayashunquipaj.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Jeremías 8:17

Gamcunaman cachamushaj wañuchicoj culebracunatami. Chaycunataga manami pipis manshuyächengapächu. Chay culebracunami cañishunquipaj.» Tayta Diosmi chayno nisha.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.