Habacuc 2:12 - Tayta Diosninchi Isquirbichishan

¹² «¡Ay imanöraj canqui wañuchicojcuna! Gamcunaga runacunata wañuchishpayquimi, mana allita rurashpayquimi siudäniquicunata arushcanqui.

Habacuc 2:12 ပူးပေါင်းရင်းမြစ်များ

1 Reyes 16:34

Acab caycashan wichanmi Betelcho tiyaj Hiel jutiyöga sumaj allchachiran Jericó siudäta. Simintuncunata pergayta gallaycuptinmi guechpa wamran Abiram wañuran. Llapan puncucunata jawiycachiptinna wamran Segub wañuran. Chauraga chaynöpami cumliran Nunpa wamran Josuëwan Tayta Dios willacachishan.

Ezequiel 24:9

Caynömi Tayta Dios nin: «¡Ay imanöraj canqui wañuchicoj Jerusalén siudä! Noga quiquëmi ninata ratachishaj.

Miqueas 3:10

Chaypitami Jerusalén siudächöga waran-waranpis caycan mana alli ruraycunalla wañuchinacuylla.

Nahúm 3:1

¡Ay imanöraj canqui wañuchicur yawar mashtaraycajta cachaycoj Nínive runacuna! Gamcunaga llullacuyllatami, wañuchinacuyllatami arurcaycanqui. Mana jamaypami imaypis suwacurcaycanqui.

Habacuc 2:6

Juc junajchömi ichanga Caldea nasyun runacuna ushacangapaj. Chaymi chay charishan nasyun runacunaga cantapashpan asipashpan cayno nenga: «¡Ay imanöraj canqui jucpa cajllawan rïcuyajcuna! Gamcunaga shuntashcanqui mañacuytanöllami.

2 Corintios 1:21

Tayta Diosmi Jesucristullaman sïguir yäracunanchïpaj yanapaycämanchi. Paymi acramashcanchïpis.

Josué 6:26

Chaypita Josuëga Tayta Diospa jutincho jurar niran: «Pipis cay Jericó siudäta yapay jatarachëga maldisyunädumi canga. Simintuta chutar pergaj cajpaga guechpa wamranmi wañonga. Cay siudäpa puncunta jawej cajpaga ñuñush wamranmi wañonga.»

Apocalipsis 17:6

Chaypita ricärishächönami cuentata gocurirä Jesucristuman yäracojcunata wañurcachir yawarninta upushanwan chay warmi machasha caycajta. Chayta ricaycur mancharirmi imata ruraytapis mana camäpacurächu.