Habacuc 1:6 - Tayta Diosninchi Isquirbichishan

⁶ Caldea runacunatami camaricachej-aywä guërraman aywananpaj. Paycunaga fiyu runacunami. Juc nasyuncunata charicarcärinanpaj may-chaypapis purin.

Habacuc 1:6 ပူးပေါင်းရင်းမြစ်များ

2 Reyes 24:1

Joacim Judächo ray caycashan wichan Babiloniapa raynin Nabucodonosor Judäman yaycuran. Chaura Joacimga chay raypa munaynincho quimsa wata caran. Munaynincho caycashanpita contran jataricurcuran.

2 Reyes 24:2

Ichanga Joacimman Tayta Dios cacharan röpa-röpa asaltanticunata. Asaltanticunaga aywaran Caldeapita, Siriapita, Moabpita, Amonpita. Paycunatami Tayta Dios cacharan Judäta illgächinanpaj Tayta Diospa profëtancuna willacushan cumlinanpaj.

2 Crónicas 36:17

Chaynöpami Tayta Diosga camacächiran Caldea nasyunpa raynin aywaycur Judá runacunata wañuchinanpaj. Chay runacunaga cuchuypa llapanta wañuchiran jinan Templucho. Manami cuyaparanchu mösucunata, jipashcunata, auquincunata, gueshyajcunatapis. Llapantami Tayta Diosga cachaycuran Caldea runacuna wañuchinanpaj.

2 Crónicas 36:6

Babiloniapa raynin Nabucodonosorga Joacimta chiquir shamuran. Charircushpan runsi cadinacunawan wataran Babiloniaman prësu apananpaj.

Isaías 23:13

¡Masqui ricay Caldeacuna tiyashanta! Chay nasyonga unay manami caranchu. Asiria runacunami yanaparan chunyaj chaqui jircacho goyajcuna tiyananpaj. Cananga Caldeacunami escaluncunata rurasha Tirocho caj palasyucunata juchuchinanpaj. Paycunaga pasaypa usharcur ragällantami cachaycusha.

Jeremías 13:20

Tayta Dios nin: «Jerusalencho tiyajcuna, sumaj ricchacuy pï aywaycämushantapis. Contrayquicunami norte caj-läpita aywarcaycämun. Mandanayquipaj cachapäshushayqui runacunata maquiquicho charararmi alli-tucurayqui. Cananga ¿maytaj chay runacuna?

Jeremías 21:4

Israelcunapa Tayta Diosnenga caynömi nin: ‹Babiloniapa suldäruncunawan pillyarcaycashanpitami suldäruyquicunaga gueshpimonga. Curral wajtanpa tumaraycaj suldärucunatami siudä chaupinman gaycaramushaj.

Jeremías 21:7

Judäpa raynin Sedequiasta, suldäruncunata, mas mandaj suldäruncunatapis cachaycushaj contran ray Nabucodonosorpa maquinmanmi. Contrancunapa maquinmanmi cachaycushaj fiyu gueshyawan, yargaywan, guërrawan mana wañur siudächo cawaycar quëdaj runacunatapis. Nogami camacächishaj chay rayga mana cuyapaypa sabliwan wañuchinanpaj. Noga Tayta Diosmi chayno në.› »

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 30:5

Chay rimashanga caynömi caycan: «¡Fiyupa llaquicuywan gaparpashanmi wiyacaycan! ¡Fiyupa manchariywan wagarcaycashanmi wiyacaycan!

Jeremías 4:11

Tayta Diosnami nimaran: «Chay junäga Jerusalén runacunata nengapaj: ‹Chunyajpitami acaj wayra wayraycämun acrashä runacuna cajman› nir. Chay wayraga manami rïguta wayrananpaj shamoj wayranöchu.

Jeremías 4:6

Bandërayquicunawan sëñata ruray Sión caj-läman. Ama wiyaraychu-llapa. Mayman pacacunayquipäpis ashiy-llapa. Nortipitami apamushaj wañuchicojcunata. Chauraga fiyupa ñacaymi canga.

Jeremías 4:8

Chaymi gachga röpacunata jaticuy. Fiyupa wagashpayqui nanächicuycajnöraj gaparpay. Nogaga jinallami nina ratarejnöpis gamcunapaj fiyupa rabyaycä.»

Jeremías 5:15

Tayta Diosmi cayno nin: «Israelcuna, gamcunata magashunayquipämi caru runacunata pushamushaj. Chay runacunaga fiyupa callpayoj, unay cajcunami canpis. Gamcunaga rimaynintapis manami yachanquichu. Chaymi imata nishantapis mana tantiyanquipächu.

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Ezequiel 16:40

Paycunaga llapan runacunatami nenga sajmaypa wañuchishunayquipaj, sablincunawan cuchur-ushaypa wañuchishunayquipaj.

Ezequiel 21:31

Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.

Ezequiel 28:7

Chaypitami camacächishaj gampa contrayqui mas fiyu jäpa runacuna shamunanpaj. Chaycunami sablinta jorgonga cuyayllapaj sumaj yachaj caycajta wañuchishunayquipaj. Chauraga allicho caycajtapis pasaypa manacajmanmi churashunquipaj.

Ezequiel 31:12

Mas fiyunnin jäpa runacunami mutur sajtarir jinancho cachaycusha. Tuniptin rämancunaga paquirnami mashtacasha intëru jircacunaman, guechwa ragracunaman, yacu aywaj ragracunaman. Achca nasyun runacuna chay yörapa llantuncho tiyaycajcunana cachaycärir gueshpir aywacusha.

Joel 2:3

Chaycunaga caycan nina llapanta ushacurcojnömi. Chaycunaga caycan nina rataycashanpita upiptin shanshallanna cawaycajnömi. Chaycuna manaraj chayamuptenga cay pacha caran cuyayllapämi. Aywacuptinnaga quëdasha chunyaj chaqui jircanömi. Chaycunapitaga manami imapis gueshpinchu.