Génesis 39:11 - Tayta Diosninchi Isquirbichishan

¹¹ Juc junajcho Josëga wasiman yaycuran imapis ruraynincunata rurananpaj. Chay öraga chay wasicho mana pipis caranchu.

Génesis 39:11 ပူးပေါင်းရင်းမြစ်များ

Génesis 39:10

Patrunninpa warmenga waran-waranmi Josëta gatiraj «Nogawan cacushun» nishpan. Patrunninpa warmenga munaj ñaupallancho José caycänanta. Ichanga José mana cäsupajchu.

Génesis 39:12

Chaymi patrunninpa warmenga Josëpa röpanpita charircur niran: «Canan nogawan cacushun» nir. Chaura Josëga röpanta cachariycur cörriyllapa wasipita llojshiriycuran. Chaura warmiga Josëpa röpanta aptaraycar quëdacuran.

Job 24:15

Majayoj caycar jucpa majanwan cacojcunaga pacha chacarcunallantami shuyaraycan. Pacha chacarcuptenga cäranta sumaj chapacun ‹Caynötaga pipis manami rejsimangachu› nir yarpashpan.

Proverbios 9:17

«Suwacuy yacuga masmi mishquin. Pacayllapa tantata micushaga mishquin» nir.

Jeremías 23:24

Noga ricanäpitaga ¿piraj pacacunman? Syëluchöpis allpachöpis caycämi. Noga Tayta Diosmi chayno në.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Efesios 5:12

Paycuna pacayllapa juchata rurashancunaga fiyupa pengacuypämi.

Efesios 5:3

Gamcunaga Tayta Dios acrashanmi canqui. Chaymi ama jucwan-jucwan cacunquichu. Ima ganracunatapis ama ruranquichu. Imapäpis yargaj ama canquichu. Chaycunapäga ama ni parlanquipischu.