Génesis 38:19 - Tayta Diosninchi Isquirbichishan

¹⁹ Nircur Tamarga wasinman cutiycur shucutacushanta jorgurir biyüda cay röpantana jaticuran.

Génesis 38:19 ပူးပေါင်းရင်းမြစ်များ

Génesis 38:14

Musyarmi biyüda cay röpanta rucacuriycur shucutacunanta shucutacurcuran mana rejsinanpaj. Nircur aywar jamacuycuran Enaim marcaman yaycuna näniman. Chayga caran Timnat marcaman aywana näni aywajcho. Chayno Tamarga ruraran Sela rucuna caycaptin suyrun Judá paywan mana tiyachiptin.

Génesis 38:18

Chayno niptin Judá tapuran: «¿Imata jaguipänätataj munanqui?» Chaura warmiga niran: «Sëlluyquita watuntinta, aptaraycashayqui bastunniquitawan.» Chayno niptin Judäga nishancunata aptaparan. Nircur chay warmiwan cacuran. Chay cajllana warmiga gueshyaj ricacuran.

Génesis 38:20

Chaypita Judäga amïgun Adulam runawan apachiran cabra-mallwata warmi chasquircur Judäpata quëdachishancunata cutiycachinanpaj. Cabra-mallwata apaj runaga chay warmita mana tarirannachu.

2 Samuel 14:2

Chaymi gayachimuran Tecoa marcacho tiyaj sabïdu warmita. Nircur artita rurananpaj Joab yachachiran: «Artita rurar llaquicunqui. Llaquicushayqui musyacänanpaj sajpi röpata jaticunqui. Ama perfümiwanpis cupacunquichu. Gamga caycänayqui wañupacushanpita unaypita-pachana llaquicuycajno.

2 Samuel 14:5

Chaura ray niran: «¿Imatataj munaycanqui?» Niptin warmiga niran: «Nogaga biyüdami cä. Runä wañushami.