Génesis 37:4 - Tayta Diosninchi Isquirbichishan

⁴ Papänin cuyaptinmi llapan wauguincuna Josëta amatar chiquiran. Chaymi rabyashalla parlapajpis.

Génesis 37:4 ပူးပေါင်းရင်းမြစ်များ

Génesis 27:41

Papänin bindisyunta goshan junajpita-pachami Esaüga Jacobta fiyupa chiquipacurcuran. Chaymi Esaú cayno yarparan: «Alläpaga papänë mananami cawanganachu. Papänë wañucuptinnaga wauguë Jacobta wañuycachishämi» nir.

Génesis 37:11

Chayno willapaptin wauguincunaga fiyupa chiquiran. Papäninmi ichanga yarpachacoj «¿Imapäraj chaynöga wamrä suyñusha?» nishpan.

Génesis 37:5

Juc cuticho José suyñuran. Chay suyñushanta wauguincunata willaparan. Chaura wauguincunaga masraj chiquicurcuranpis.

Génesis 4:5

Caín apashanta ichanga mana chasquiranchu Abelpatanöga. Chaura Cainga fiyupa rabyar jucajyasha puriran.

Génesis 49:23

Fiyu runacuna chiquishushpayquimi lëchancunata gamcunaman jitamongapaj. Chayno rurar rabyachishunquipaj.

Salmos 38:19

Chiquimajcunaga aypallanami miracurcusha. Mana imatapis rimapaycaptillämi achcaj chiquicarcamasha.

Salmos 69:4

Imatapis mana ruraycaptillä chiquimajcunaga ajchäpitapis mas aypalla ricacusha. Chiquimajcunaga aypallami mirasha. Imatapis mana ruraycaptëmi illgächimayta yarpaycan. Mana suwapasha caycaptëmi «cutichimay» nircaycäman.

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Marcos 3:25

Juc wasicho tiyajpis chiquinacorga manami iwal goyanmanchu.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.

1 Juan 2:11

Yäracoj-masinta chiquej cajmi ichanga chacaycho caycan. Chacaypa purerga mayman aywashantapis manami musyanchu. Chacayllacho captinmi ñawinpis chacasha caycan.

1 Juan 3:10

Diospa wamran cajcunapis, dyablupa wamrancunapis maysi rejsipayllami. Pipis juchata ruraj cäga, ermänucunata chiquej cäga manami Diospa wamranchu.

1 Juan 3:12

Ama cashunchu Cainnöga. Payga dyablu munashanta rurarmi wauguin Abelta wañuycachiran. ¿Imapitataj wañuchiran? Wauguin Abelga Tayta Dios munashantami ruraran. Cainmi ichanga juchallata ruraj. Chaynöpami wauguinta chiquir wañuycachiran.

1 Juan 4:20

Pipis «Nogaga Diostami cuyä» niycar juc ermänuta mana cuyaj cäga llullacunmi. Diosta mana ricaycarga ¿imanöparaj «Diostami cuyä» ninman runa-masintapis mana cuyaycarga?

1 Samuel 17:28

Chayno parlaycajta wiyar Davidpa mayur wauguin Eliabga rabyacurcuran. Chaymi niran: «¿Imamantaj shamushcanqui? Chunyajcho wallcalla uyshanchi caycajtaga ¿pitaj ricaycan? Nogaga musyämi mal jinyu cashayquita, llutanta yarpashayquita. Pillya ricajllami shamushcanqui.»