Génesis 37:13 - Tayta Diosninchi Isquirbichishan

¹³ Chaymi Israelga wamran Josëta niran: «Wauguiquicunaga Shequemchömi uyshanchïcunata ricaycan. Aywariycuy. Ricaycamuy imano caycashantapis.» Chayno niptin José niran: «Au papä, aywashaj» nir.

Génesis 37:13 ပူးပေါင်းရင်းမြစ်များ

Génesis 22:1

Chaypita achca watatanaga Abrahamta Dios musyapayta munaran. Chaymi Diosga gayaran «¡Abraham!» nir. Chaura Abrahamga niran: «Caychömi caycä» nir.

Génesis 22:11

Chaura Tayta Diospa anjilnin syëlupita gayacamuran: «¡Abraham! ¡Abraham!» nir. Chaura Abrahamga niran: «Imallaraj» nir.

Génesis 27:1

Auquinna captinmi Isaacpa ñawin mana ricacurannachu. Chaymi juc junajcho mayur caj wamranta «Esaú» nir gayaran. Chaura Esaüga niran: «¿Ima papä?»

Génesis 27:18

Jacobnami micuyta apacurcur papänin caycashan cajman yaycurir «Papä» nir gayaran. Niptin papänin niran: «Caychömi caycä ïju. ¿Maygan caj wamrätaj canqui?» nir.

Génesis 33:18

Jacobga Padan-arampita shacamur Canaán partiman allilla chayamuran. Shequem siudä caycashan chimpanman chayaycur chaychöna tiyaran.

Génesis 37:12

Juc cuticho Josëpa wauguincuna aywaran Shequemman papäninpa uyshancunata cabrancunata michej.

Mateo 10:16

«Gamcunataga cachaycä uyshacunata atojman gaycojnömi. Chauraga culebranöpis alcäbulla puricunqui. Uyway palumano umildilla cacunquipis.

Lucas 20:13

«Chaura übas chacrapa duyñonga yarpachacurshi nisha: ‹¿Cananga imatataj rurashaj? Jucnaylla cuyay wamrätami cachashaj. Wamrätaga rispitangachari› nir.

1 Samuel 3:16

Elïga Samuelta gayaran. Y Samuelna niran: «¿Imata tayta?»

1 Samuel 3:8

Quimsa cuti cajcho Tayta Diosga Samuelta yapay gayaran. Chaura Samuelga jatarcur aywaran Elí cajman. «Tayta caychönami caycä ¿imapätaj nistaycämanqui?» niran. Chaura Elïga tantiyacuriran Samuelta Tayta Dios gayaycashanta.