Génesis 35:1 - Tayta Diosninchi Isquirbichishan

¹ Chaypitana Jacobta Tayta Dios niran: «Ima-aycayquitapis apacurcur aywacuy Bet-elcho tiyanayquipaj. Wauguiqui Esaüpita gueshpir aywacuycaptiqui nogami chaycho yuriparä. Chaychömi nogapaj juc altarta perganqui.»

Génesis 35:1 ပူးပေါင်းရင်းမြစ်များ

Génesis 12:8

Chaypita aywacur Bet-elpa chimpanchöna tiyaran. Paycuna tiyashan cajpita Bet-elga caycaran inti yaganan caj-lächöna. Hai siudänami caycaran inti yagamunan caj-lächo. Chaychömi Abramga yapay juc altarta pergaran Tayta Diosta adurananpaj.

Génesis 16:8

Yuriparcur Tayta Diospa anjilnenga tapuran: «Saraipa uywaynin Agar ¿maypitataj shamunqui? ¿Maypataj aywaycanqui?» nir. Chaura Agar niran: «Patrönä Saraipitami gueshpicuycä.»

Génesis 22:14

Chaypitami Abrahamga chay puntata jutichaparan «Tayta Dios tarichicunan» nir. Chaypitami cananyaj rimay can cayno: «Puntachörämi Tayta Dios tarichicun» nir.

Génesis 29:1

Chaypita Jacob aywacur chayaran inti yagamunan cajcho tiyaj runacunapa tiyananman.

Génesis 31:13

Nogami caycä Bet-elcho rumita jawiycur asëtita wiñapashayqui cajcho yuripaj Dios. Chaychömi aunimarayqui. Cananga caypita aywacuy. Yurishayqui partiman cuticuy› nir.»

Génesis 31:3

Chaymi Jacobtaga Tayta Dios niran: «Cuticuy papäniqui tiyaycashanman. Chaychömi caycan famillyayquicuna. Caypita aywacuptiqui nogami yanapäshayquipaj.»

Génesis 34:31

Chayno niptin paycuna niran: «¿Chaura, nogacunapa pañëtaga Shequemga jinachi ruraconga mañösa warmitano?»

Génesis 35:15

Chaycho Tayta Dios parlapashanpitami jutichaparan Bet-el nishpan.

Génesis 35:7

Chaycho juc altarta pergaran. Nircur jutichaparan El-Betel nishpan. Chayno jutinta churaparan wauguinpita gueshpir aywacuycaptin Tayta Dios yuripashanpitami.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 47:4

Acrashan runacuna captinchïmi Tayta Diosga cuyamanchi. Chaymi aunimashanchi chacratapis goycamashcanchi. Chay chacrachömi Jacobpa caj famillyancunaga cushisha goyanchi. Selah

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Éxodo 2:15

Rasunpa, faraonpis mayaranna Egipto runata Moisés wañuchishanta. Chaymi Moisesta wañuchinanpaj ashichiran. Chaura faraonpita gueshpir aywacuran. Chayno aywacurmi Madián partiman tiyaj aywacuran. Chayaycorga yacu pösupa ñaupanman jamacuycuran.

Oseas 12:4

Anjilwan pillyar binsiran. Nircur Jacobga wagashpan cuyapänanpaj ruwacuran. Tayta Dios Betelcho tarishpan chaycho parlaran.

Nahúm 1:15

¡Judá runacuna, masqui ricay! Willacoj maynami jircacunapa aywaycämun alli goyay cananpäna willapata apamushpan. Diosta adurana fistayquicunata rurayna. Tayta Diosta aunishayquicunatapis cumliyna. Yapayga imaypis manami fiyu runacunapa munaynincho canquipänachu. Chay fiyu runacunaga ushajpänami ushacasha.

Deuteronomio 32:36

«Acrashan runacunapa callpan manana captenga Tayta Dios yanapangami. Payta sirbejcuna ushacänanpaj captenga cuyapangami.

1 Samuel 10:3

«Chaypita päsar Tabor jan'ganman chayashpayqui tincunquipaj quimsaj runacunawan. Paycunaga Betelmanmi Tayta Diosta aduraj aywarcaycanga. Jucmi apaycanga quimsa chïbuta; jucmi quimsa tantata; jucnami bïnuta.