Génesis 31:40 - Tayta Diosninchi Isquirbichishan

⁴⁰ Gampa uywayquita michir ricashpä junajpaga fiyupa acaycho goyarä. Chacaypana caurushapis ñacashcä. Öraga manami puñojpischu cä. Puñunaypis maypashi aywacoj.

Génesis 31:40 ပူးပေါင်းရင်းမြစ်များ

Génesis 31:39

Jirca animalcuna wañuchiptin manami imaypis gammanga apapämushcächu. Llapan chay pishejcunatapis gamtaga ruquintami cutichishcä. Uywacunata chacaypa u junajpa suwa apaptinpis llapantami ruquinta mañamashcanqui.

Génesis 31:41

Chaynömi gampa munayniquicho goyashcä ishcay chunca (20) wata. Chunca chuscu (14) watami arupashcä ishcan wamrayquicunapaj. Uywacunata gomänayquipänami arupashcä sojta wata. Achca cutimi parlashanchïnöga mana cumlimashcanquichu.

Éxodo 3:1

Moisesga suyrun Jetropa uyshancunatami michej. Jetroga caran Madián runacunapa cüranmi. Juc junaj Moisesga suyrunpa uyshancunata cabrancunata michej gatir chayachiran chunyajman. Chay chunyajcho caran Dioswan tincunan punta Horeb.

Proverbios 31:18

Nigusyuncho alli gänananpämi sumaj arun. Pacha chacarcuptinpis chacaycamarämi ima ruraynincunatapis ruran.

Oseas 12:12

Jacobga Aram partiman gueshpir aywacuran. Chaychönami warminpita pägananpaj aruran uysha michiycho.

Hageo 1:11

Nogami camacächishcä fiyupa usya cananpaj, jircacunacho cajpis shanaywan chaquinanpaj, rïgu, übas, olivo chacrayquicuna chaquicäcunanpaj, maycho caycaj micuypis chaquicäcunanpaj. Runa, ni animalcuna imata arushanpis yangallanami caycan.»

Lucas 2:8

Belenpa lädun jircacho uywa michicojcuna uyshancunata täparcaycaran.

Deuteronomio 8:15

Tayta Diosga pushamushurayqui fiyupa manchacuypaj chunyajpami aypalla wañuchicoj culebracuna, alacrancuna cashanpa. Yacu mana captinpis yacutaga gagapitami upunayquipaj yargachimuran.

Hebreos 13:7

Tayta Diospa palabranta ñaupata willacojcunataga sumaj ricacunquiman. Paycunaga wañuy janancho caycarpis Tayta Diosnillanchïmanmi yäracuran. Chaymi paycuna alli cawashanno cawanquiman. Rimashantapis ama gonganquichu.