Génesis 28:16 - Tayta Diosninchi Isquirbichishan

¹⁶ Puñuycashanpita riccharcamur Jacobga niran: «Rasunpa caychömi Tayta Diosga caycan. Nogaga manami musyashcächu» nir.

Génesis 28:16 ပူးပေါင်းရင်းမြစ်များ

1 Reyes 3:15

Riccharamur Salomonga yarpachacurir tantiyacuriran suyñushanta. Jerusalenman chayaycorga juclla aywaran Tayta Diospa babulnin caycashanman. Nircur rupachina sacrifisyucunata y alli goyaypita sacrifisyucunatapis rupachiran. Chaypitana llapan mandäshejcunata micuyta garachiran.

Job 33:14

Diosga tucuynöpami willapämanchi. Ichanga noganchi mana cuentata gocunchïchu.

Job 9:11

Tayta Dios ñaupäpa päsaptinpis manami ricashächu. Päsariptinpis manami mayashächu.

Salmos 139:7

¿Mayllamanga aywacömanchuraj espirituyquipita? ¿Mayllamanga gueshpëmanchuraj gampita?

Salmos 68:35

Wasincho fiyupa manchanami Tayta Diosga. Acrashan Israelcunataga munayninwan yanapan. Callpayoj cananpäpis yanapan. ¡Alabasha cachun Tayta Diosga!

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Éxodo 3:4

Ricaj chayaycaptinna shiracho nina rataycajpita Tayta Dios nimuran: «Moisés, Moisés» nir. Chaura Moisés niran: «Caychömi caycällä.»

Éxodo 3:5

Niptin Dios niran: «Ama witimuychu. Llanguiquita jorguy. Caycashayqui pachaga fiyupa rispitädumi.»

Isaías 8:13

Noga munayniyoj Tayta Diosnillayquita manchacamayga. Nogallata rasunpa rispitamayga. Nogallata ‹Santo Dios› nimayga.

Jeremías 31:26

Chayno niycämaptin riccharaycamurä. Chaynöta suyñuycur fiyupa cushicurä.

Números 12:6

Tayta Dios niran: «Sumaj wiyamay. Nogaga profëtäwan parlä ricapacushallanchömi, man'chäga suyñuyllanchömi.

Josué 5:13

Jericó siudä sercancho puriycashanchömi Josué ricaran sablin aptasha runa ichiraycajta. Chaymi ñaupanman witiycur tapuran: «¿Gamga caycanqui nogacunapa faburnëchu u conträcunapa faburninchu?» nir.

Josué 5:15

Chaura Tayta Diospa suldäruncunapa mandajnenga niran: «Llanguiquita jorguy. Caycashayqui partiga fiyupa rispitädumi.» Chaura Josuëga llanguinta jorguran.