Génesis 26:28 - Tayta Diosninchi Isquirbichishan

²⁸ Chayno niptin paycuna niran: «Nogacunaga tantiyacushcä gamwan Tayta Dios caycashantami. Chaymi yarpachacushcäcuna gamwan conträtuta rurananchïpaj. Conträtutaga caynömi rurashun:

Génesis 26:28 ပူးပေါင်းရင်းမြစ်များ

Génesis 24:3

Cay pachatapis syëlutapis camaj Tayta Diospa jutincho juray noga nishäta llapanta ruranayquipaj. Ama dëjanquichu cay tiyaycashä particho caycaj Cananea warmiwan wamrä Isaac majachacänantaga.

Génesis 24:41

Famillyäcuna wamranta mana munashuptiquimi ichanga aunimashayquita cumlinayqui mana nistacanganachu› nir.

Génesis 31:44

Chaymi cananga gamwan noga conträtuta rurashun. Chay conträtutaga ishcanchïmi cumlishun.»

Génesis 39:3

Chaura patrunnin musyaran Josëwan Tayta Dios caycashanta.

Génesis 39:5

Josëpa munayninman Potifar llapan charashanta cachaycushan junajpita-pacha Tayta Diosga Potifarta imachöpis mas allina yanaparan. Chaymi ima-aycanpis achcayaran. Micuyninpis sumaj wayuran.

2 Crónicas 1:1

Davidpa wamran Salomonga Tayta Dios yanapaptinmi ray car allina mandaran. Fiyupa munayniyojna caran.

2 Crónicas 15:9

Nircur Judäwan Benjamín runacunataga ushajpaj shuntaran. Shuntaran paycunaman guellicoj Efraín, Manasés, Simeón trïbu runacunatapis. Israel runacunaga achcajmi guellicuran Asaman, paycunata Tayta Dios yanapaycashanta musyashpan.

Isaías 45:14

Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»

Isaías 60:14

Ñacachishojcunapa wamrancunaga rispitashushpayquimi ñaupayquiman chayamonga. Manacajman churashojcunapis llapanmi ñaupayquiman gongurpacongapaj. Paycunaga ‹Israelpa Santo Tayta Diosninpa siudänin› nishunquipämi.

Isaías 61:6

Gamcunatanami «Tayta Diospa cürancuna», «Tayta Diosninchïta sirbejcuna» nishunquipaj. Juc-lä nasyun runacunapa ima-aycanwanpis gamcunami quëdanquipaj. Fiyupa chanin cuestaj adurnuncunatami camaränayquipaj churacunquipaj.

Isaías 61:9

Gamcunapita mirar aywajcunaga may nasyunchöpis fiyupa rejsishami canga. Pï-may ricajpis paycunapäga nenga ‹Tayta Dios yanapashan runacunami› nir.»

Romanos 8:31

Chayno caycaptenga ¿imatanataj mas munashun? Tayta Diosninchi faburninchi caycaptenga ¿pinataj contranchi jatarenga?

1 Corintios 14:25

Chayno imano cashantapis tantiyacurmi gongurpaycur llapan shongunwan Tayta Diosta aduranga. Ermänucunata Tayta Dios yanapashantapis tantiyaconga.

Hebreos 13:5

Chaynöpis guellaypäga ama yargaj caychu. Chaypa ruquenga Tayta Diosman yäracur cushisha caway. Ama gongaychu Tayta Diosninchi palabrancho cayno nishanta: «Imaypis manami cachaycushayquichu. Gamcunataga imaypis yanapäshayquimi.»

Hebreos 6:16

Runa imatapis aunir Tayta Diospa jutinchömi juran. Chayrämi jucninpis aunishanta cumlinanpaj cashanta riguin.

Josué 3:7

Chaypitana Tayta Diosga Josuëta niran: «Cananpitaga llapan Israelcuna musyanga Moisesta yanapashäno gamtapis yanapaycashäta. Chaymi paycunaga fiyupa rispitashunquipaj.

1 Samuel 11:1

Chaypitanaga Amonpa raynin Nahaspis aywaran Galaad siudäpa marcan Jabesman. Suldäruncunawan camaricuran Jabes runacunata magaj yaycunanpaj. Chaura Jabes runacunaga niran: «Nogacunawan alli goyäshun. Chaura nogacunaga munayniquichömi cashaj.»

1 Samuel 18:28

Davidta Tayta Dios yanapaycashanta musyar ricar y wamran Micalwan munanacushanta musyar,