Génesis 26:14 - Tayta Diosninchi Isquirbichishan

¹⁴ Uywancunapis uysha, cabra, wäca aypallaman miraran. Paypaga uyway runacunapis aypallana caran. Chaymi Filistea runacunaga Isaacta chiquicarcäriranna.

Génesis 26:14 ပူးပေါင်းရင်းမြစ်များ

Génesis 12:16

Sarai-raycumi faraonga Abramta alli ricaran. Chaymi goycuran wäcacunata, uyshacunata cabracunata, bürrucunatapis, camëllucunatapis, chayno uyway runacunatapis warmita ollguta.

Génesis 13:2

Abram rïcu captinmi paypaga caran goripis, guellaypis, aypalla uywacunapis.

Génesis 24:35

Paytaga Tayta Diosmi alli bindisyunta gosha. Paypaga aypallami mirasha uysha, wäca, camëllo, bürru. Warmi ollgu uywaynincunapis aypallami. Goripis guellaypis aypallami.

Génesis 25:5

Abrahampa llapan ima-aycanpis caran Isaacllapämi.

Génesis 30:43

Chayno ruraycällarmi Jacobga rïcuna ricacuran. Chaymi paypaga aypallana caran uyshancuna, camëlluncuna, bürruncunapis. Warmi ollgu uywaynincunapis aypallana caran.

Génesis 37:11

Chayno willapaptin wauguincunaga fiyupa chiquiran. Papäninmi ichanga yarpachacoj «¿Imapäraj chaynöga wamrä suyñusha?» nishpan.

Job 1:3

Jobpaga caran ganchis waranga (7,000) uysha; quimsa waranga (3,000) camëllo; pichga pachac (500) par yunta; pichga pachac (500) bürru. Uywaynincunapis aypalla caran. Chay partichöga payllami llapanpita mas rïcu runa caran.

Job 42:12

Tayta Diosga bindisyunta goran Jobta unay watacunacho yanapashanpitaga masraj. Chaymi paypaga miraran chunca chuscu waranga (14,000) uysha, sojta waranga camëllo (6,000), waranga (1,000) par buyicuna, waranga (1,000) china bürru.

Job 5:2

Musyanchïmi mana tantiyaj upacunaga rabyallawan wañushanta. Yargajcunaga munapaycällarmi wañuymanpis chayan.

Salmos 112:10

Chayta ricar fiyu runaga fiyupa rabyarmi chiquicurcun. Rabyawan quiruncunatapis uchongarämi. Fiyu runacuna yarpashanga manami camacangachu.

Salmos 112:3

Wasincho ima-aycancunapis manami pishengachu. Pï-maypäpis allimi canga.

Proverbios 10:22

Tayta Diospa bindisyunninwanmi alli cawan. Chay bindisyunwanga manami ima llaquicuypis canchu.

Proverbios 27:4

Rabyayga fiyumi; ollguypis manami allichu. Inbidyösu runatami ichanga pipis mas piyur mana awantanchu.

Eclesiastés 4:4

Juctapis ricashcämi. Jucta llalliyta munarmi runaga fiyupa arun; nigusyutapis alli arun. Ichanga chaypis yangallami, wayrata chariyta munashanchïnöllami.

1 Samuel 18:9

Chay junajpita-pacha Saulga Davidta risilajna.