Génesis 24:31 - Tayta Diosninchi Isquirbichishan

³¹ Labanga niran: «¡Tayta Dios yanapashan runa, wasëman aywaculläshun! ¿Imanöpataj cay jawallachöga puñunqui? Nogaga maynami jäcachipacushcä gam puñunayquipaj, chayno camëlluyquicunapäpis.»

Génesis 24:31 ပူးပေါင်းရင်းမြစ်များ

Génesis 18:3

cayno niran: «Jamalläshun taytacuna. Ama aywacuyrächu ari.

Génesis 19:2

Nircur niran: «Taytacuna, wasëman aywaycushun ari pachacunayquipaj, chaquiquita mayllacunayquipaj. Wara tutanachari päsacunqui.» Chayno niptin chayajcunaga niran: «Manami. Cay cällillachömi waräshaj» nir.

Génesis 19:3

Chaypis Lotga yaparir-yaparir «aywacushun» niran wasincho pachacunanpaj. Chaura paycunaga aywaran Lotpa wasinman. Wasinchöna Lotga alli micuyta ruraran sënachinanpaj. Lebadüraynaj tantatapis ruraran gorpancunata garananpaj.

Génesis 26:29

Gamga ama ima mana allitapis ruramanquichu. Nogacunapis manami gamtaga imatapis rurashcächu. Chaypa ruquenga allimi goyaranchi. Gamga allillami llojshicamurayquipis. Cananpis Tayta Diosmi bindisyunta goycäshunqui.»

Génesis 29:13

Pañinpa wamran Jacobpaj parlajta wiyar Labanga cörriyllapa aywaran tincunanpaj. Tincurcurnami macallarcur mucharan. Nircurnami wasinman pusharan. Chaychöna Jacobga tiyunta willaparan wasincho imano goyashantapis.

Salmos 115:15

Syëluta, cay pachatapis camaj Tayta Diosga gamcunata bindisyunta goycushunqui.

Proverbios 17:8

Saynita jatipäga imatapis tariytami yarpan. Chaynöga yarpan munashancuna llapan alli llojshipaptinmi.

Proverbios 18:16

Imallatapis buluntäninpa goycuptenga pï-maypis allimi jamachin. Mayur runacunapis allimi rican.

Jueces 17:2

Paymi juc cuticho mamanta niran: «¿Yarpaycanquichu waranga pachacnin (1,100) guellayniqui suwaj runata maldisyunashayquita? Nogami chay suwapäshoj runa caycä.» Chayno niptinmi maman niran: «¡Tayta Dios bindisyunninta goycushunqui ïju!»

Rut 3:10

Niptin Booz niran: «Tayta Dios bindisyunta goycushunqui. Cananga noga musyämi wañucoj runayquita rispitashayquita. Runataga maynami tarinquiman caran nogapita mas mösuta, rïcuta carpis, pobrita carpis. Ichanga rispitachicuyniquipami japallayqui cacushcanqui.