Génesis 19:36 - Tayta Diosninchi Isquirbichishan

³⁶ Chaynöpami Lotpa ishcan wamrancuna papäninpata gueshyaj ricacuran.

Génesis 19:36 ပူးပေါင်းရင်းမြစ်များ

Génesis 19:35

Chay chacay yapay papäninta upyachiran bïnuwan. Nircur shullca cajna papäninwan puñuran. Papänenga mana mayaranchu imay öra wamran yaycapashantapis ni imay öra llojshishantapis.

Génesis 19:37

Mayur caj gueshyacuran ollgu wamrata. Jutinta churaparan «Moab» nir. Moabpita mirajmi caycan Moab runacunaga.

Génesis 19:8

Paycunapa ruquenga runa yatäni ishcay warmi wamräcunatami jorgapämushayqui munashayquita ruranayquipaj. Wasëman pachacamoj runacunata ichanga ama imatapis ruraychu.»

Habacuc 2:15

«¡Ay imanöraj canqui juccunata machächejcuna! Gamcunaga bisïnuyquicunata machächishcanqui upatächicojcunawan bïnuta tacurcachir upuchishpayquimi. Chayno rurashcanqui galallata ricar cushipänayquipämi.

Mateo 7:2

Runa-masiquita jamurpar washanta rimashayquinöllami gamcunatapis Tayta Dios jusgashunquipaj. Runa-masiquita imanöpis ricashayquimannöllami Tayta Diospis ricashunquipaj.

Deuteronomio 2:9

Chaypa aywaptinchi Tayta Dios nimaran: ‹Moab runacunataga ama rimapaychu. Ni guërratapis paycunawanga ama ruraychu. Paycunaga Lotpita mirajcunami. Chaymi paycunapa nasyunnintaga mana goshayquipächu ni tacshannin chacrallatapis. Ar partitaga nogami paycunata goycushcä.› »

Jueces 1:7

Chaura ray Adoni-bezec niran: «Cananga Diosmi fiyu cashäman-tupu fiyupa ñacaycächiman. Nogapis ñaupata ganchis chunca (70) raycunapa chaquinpa maquinpa maman dëduncunatami cuchuchirä. Chaura paycunaga puchupacunallata micurmi cawaj.» Ray Adoni-bezectaga aparan Jerusalenman. Chaychöna wañuran.

1 Samuel 15:33

Chayaptin Samuel niran: «Gamga sabliquiwanmi achcaj warmicunapa wamranta wañuchishcanqui. Cananga mamayquipis wamraynajmi quëdanga.» Samuel chayno nir Agagtaga ichic-ichiclla cuchuran Tayta Diospa ñaupancho, Gilgalcho.