Génesis 19:24 - Tayta Diosninchi Isquirbichishan

²⁴ Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Génesis 19:24 ပူးပေါင်းရင်းမြစ်များ

Génesis 13:10

Chaura Lotga intërupa ricachacuran. Ricäriran Jordán mayu aywajpa Zoar marcacama. Chay ragran pampa aywajpa Edén werta cashannöraj achca yacuyoj caycämuran. Egiptucho tiyashanta cachaycushan-nirajraj caycämuran. (Chayno caycaran Sodoma siudäta Gomorra siudäta Tayta Dios manaraj illgächiptinmi.)

Génesis 13:12

Abramna jinan Canaán partillacho tiyacuran. Lotnami aywacuran chay ragran pampapa caycaj siudäcunaman. Sodoma siudäpa ñaupanchöna tiyaran.

Génesis 18:17

Aywarcaycashancho Tayta Dios yarpachacuran cayno nir: «Imata ruranäpaj cashantapis Abrahamtaga ¿manachuraj willaycöman?

Génesis 19:23

Pacha warasha caycaptinna Lotga Zoarman chayaran.

Job 1:16

Chay runa manaraj willayta ushaptin jucpis chayamur Jobta willaran: «Räyu ratamuptin nina ratarirmi rupacurcusha uyshërucunatawan uyshayquicunatapis. Nogallami gueshpimushcä willanäpaj.»

Job 18:15

Wasincho cajtaga ima-aycantapis ninami ushacurcun. Tiyashanchöga ishancawan shirallanami juntasha.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Éxodo 9:23

Tucrunta Moisés janajman jogariptin jinan öra Tayta Dios räyuchiran. Runtu tamyatapis tamyachiran. Chaynömi Tayta Diosga intëru Egiptuta runtu tamyawan ushachiran.

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

Isaías 13:19

Babiloniaga waquin nasyuncunapaj caycan perlasnörämi. Caldea runacunapäga fiyupa bälej perlasnömi caycan. Chayno carpis Babiloniaga illgächiptë quëdangapaj Sodoma Gomorra quëdashannömi.

Isaías 30:33

Unaypita-pachanami Asiriacunapäwan rayninpäga Tofet particho camarisha caycan fiyupa ñacananpaj. Chaychöga altar caycan fiyupa jatuncaraymi. Yantapis aypallami shancaraycan. Tayta Diosga juc pücayllawanmi sindirengapaj. Paypa shiminpitaga ratataycaj asufrimi llojshimonga.

Jeremías 20:16

¡Chay willaj runaga cachun mana cuyapaypa Tayta Dios illgächishan siudäcunano! Tutapaga wiyachun nanaywan gaparpaycajta. Pullan junäga wiyachun «guërra caycan» nir gaparpaycajta.

Jeremías 23:14

Noga ricashcämi Jerusalencho caj profëtacunapis fiyupa melanaypäcunata rurarcaycajta. Paycunaga majayojcunawanmi cacurcaycan; llullacurcaycan. Chayno rurarmi juchasapacunatapis mana allita ruraycashanta mana cachaycunanpaj shacyächin. Chaymi paycunapis, siudächo tiyajcunapis Nogapäga carcaycan Sodomawan Gomorra cashanno.»

Jeremías 49:18

Sodomatawan Gomorrata y läduncho caj siudäcunatapis päsashannömi päsanga. Chaura chaychöga manami pipis tiyanganachu; ni pachacuyllapis pachaconganachu. Noga Tayta Diosmi chayno në.

Jeremías 50:40

Illgächiptë imanömi ricacuran Sodomapis Gomorrapis y läduncho caycaj siudäcunapis chaynömi ricaconga. Chaymi Babilonia nasyuncho yapayga manana pipis tiyangapänachu; ni pachacuyllapis manami pachaconganachu. Noga Tayta Diosmi chayno në.

Lamentaciones 4:6

Marca-masëcuna tiyarcaycashan Jerusalencho juchata rurashanga caycan Sodomacuna juchata rurashanpita mas piyurmi. Sodomaga illajpitami illgaran pipis mana juchuycächiptillan.

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Amós 4:11

«Nogami gamcunata castigarä Sodomatawan Gomorrata castigashäno. Chaymi gamcunaga caycarayqui ninapita jorgurisha tisunno. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Sofonías 2:9

Chaypitami nogaga quiquëpa jutëcho jurashpä në: Moabtaga päsangapaj Sodomata päsashannömi. Amontapis päsangapaj Gomorrata päsashannömi. Chay siudäcunaga shata cashacunallami, cachi rumicunaman ticrashami cangapaj. Chay siudäcunaga ticrangapaj chunyajmanmi. Chaura cawaycar quëdaj acrashä runacunami ima-aycantapis shuntaconga. Chay runacunapa chacrancunamanpis paycunanami tiyacaycärengapaj.»

Lucas 10:12

Castïgu chayamunan junäga willacushayquita mana wiyacushanpitami chay marcacho tiyaj runacunataga Tayta Dios castiganga Sodomacho tiyajcunata castigashanpita mas piyur.

Deuteronomio 28:24

Llapayqui ushacänayquicamami tamyachimunanpa ruquin Tayta Diosga polbutawan agushllata syëlupita shicwachimonga.

Deuteronomio 29:22

Chayno castigashushpayquega tiyashayqui nasyuntapis disigrasyacunawan gueshyacunawanmi Tayta Dios castigangapaj. Nasyuntapis chayno castigashanta guepa yurej Israel runacunawan caru nasyunpita shamoj jäpa runacunapis ricangami.

Deuteronomio 29:23

Chaura fiyupa manchacashpan nenga: ‹Chay chacracunachöga cachiwan asufrimi mashtaraycan. Chaychöga manami imapis wayongachu ni guewallapis. Sodomata, Gomorrata, Admata, Zeboimta Tayta Dios castigar illgächiptin imapis mana quëdashannömi imapis mana canchu› nir.

2 Pedro 2:6

Sodoma, Gomorra marca runacunatapis Tayta Diosninchi castigar llapantami usharan. Chayno castigaran Tayta Dios castigacoj cashanta llapan runacuna tantiyacunanpämi.

Judas 1:7

Chay anjilcunanömi Sodomacho, Gomorracho y sercancunacho tiyajcunapis fiyupa pengaypaj juchata ruraran. Chaymi Diosninchi ninawan rupachiypa castigaran. Chaynömi pitapis payta mana wiyacojcunataga Tayta Diosninchi castiganga mana upej ninacho.

Apocalipsis 14:10

mana cuyapaypami Tayta Dios castiganga. Jesucristo y anjilcunapis ricaycaptinmi chay runacunaga asufri rataycajcho rupar ñacangapaj.