Gálatas 5:18 - Tayta Diosninchi Isquirbichishan

¹⁸ Espíritu Santu yanapäshuptiquega manami laycunapa munayninchönachu canqui.

Gálatas 5:18 ပူးပေါင်းရင်းမြစ်များ

Proverbios 8:20

Nogaga llapantapis alli cajllatami camacächë. Alli cajta rurayllachömi goyä.

Ezequiel 36:27

Gamcunamanmi Espiritöta churamushaj. Chaynöpami camacächishaj laynëcunata, mandamintöcunata cumlinayquipaj.

Juan 16:13

Espíritu Santu shamurmi ichanga llapanta sumaj tantiyachishunquipaj. Payga manami quiquinpa yarpayllanpitachu tantiyachishunquipaj, chaypa ruquenga Tayta Dios willashancunallatami. Chaynöllami tantiyachishunquipaj ima päsananpaj cashantapis.

Romanos 7:4

Cuyay ermänucuna, Jesucristo cruscho wañushanpita noganchïpis laycunapäga wañushanönami caycanchi. Chayno captenga manami Moisés isquirbishan laycunapa munayninchönachu cawanchi, chaypa ruquenga Tayta Diosninchi munashanno cawananchïpaj wañushanpita cawarimoj Jesucristupa munayninchönami caycanchi.

Romanos 8:12

Ermänucuna, chayno caycaptenga manami shongunchi munashan juchata rurar cawananchïnachu.

Romanos 8:14

Llapanpis Espíritu Santu munashanno cawajcunaga Tayta Diospa wamranmi carcaycan.

Gálatas 5:16

Chaymi në: Jucha rurayta yarpänayquipa ruquenga Espíritu Santu munashanno caway-llapa.

Gálatas 5:23

mana alli-tucunchu, allillata rurananpaj tantiyacun. Chayno cawarga manami ima laytapis manacajman churanchïchu.

Gálatas 5:25

Espíritu Santupa munaynincho caycarga pay tantiyachimashanchïnölla imaypis cawashun.

1 Timoteo 1:9

Laynincunata Tayta Diosninchi gomashcanchi manami allita rurajcunapächu, chaypa ruquenga jucha rurajcunapämi. Chaymi chay laycuna caycan mana wiyacojcunapaj, fiyu runacunapaj, juchasapacunapaj, Diosta mana rispitajcunapaj, mamanta taytanta magajcunapaj, runa-masinta wañuchejcunapaj,

2 Timoteo 1:7

Manami pitapis manchacunanchïpächu Tayta Diosninchëga Espíritu Santuta cachamuran, chaypa ruquenga munayninwan willacunanchïpaj, cuyanacunanchïpaj, sumaj yarpachacurir imatapis rurananchïpämi.