Filipenses 4:10 - Tayta Diosninchi Isquirbichishan

¹⁰ Ermänucuna, Tayta Diostami agradësicö unayllatapis yapay nogapaj apachicamushayquipita. Gamcunaga manami gongaycamashcanquichu. Chaypa ruquenga yanapämänayquipaj imata ruraytapis manami camäpacushcanquichu.

Filipenses 4:10 ပူးပေါင်းရင်းမြစ်များ

2 Crónicas 31:8

Runacuna gotushanman ricaj aywar Ezequiaswan autoridäcunaga Tayta Diosta fiyupa alabaran. Israel-masincunatapis bindisyunta gonanpaj Tayta Diosta mañacuran.

Salmos 85:6

Acrashayqui runacuna carcaycaptenga ¿manachu cawaycajta cachaycamanquiman? Nogacuna cushicunäpaj ¿manachu cawachimanquiman?

Oseas 14:7

Israel runacunaga yapaymi nogapa maquëcho goyanga. Chayrämi canga rïgu shicshiraycajno. Übas sumaj chillguiraycashannörämi canga. Paycunapäga may-chaychöpis parlanga Líbano bïnupänörämi.

2 Corintios 11:9

Gastöcunapaj llaquicunayquita mana munarmi pishëmaptinpis nistashäcunapaj maygayquitapis mana mañacurächu. Macedoniapita caj ermänunchïcunami gastöcunapaj apamuran.

2 Corintios 6:7

Tayta Diospaj rasun cajta willacur, Diosninchïpa munayninwan rurar. Allita rurashäwanmi, rasun cajta nishäwanmi pitapis ichipä, chapacö.

Gálatas 6:10

Chayno caycaptenga mana yamacaypa pï-maytapis yanapäshun. Ermänucunataga mas masraj yanapäshunpis.

Gálatas 6:6

Jesucristupa alli willacuyninta yachacojcunaga yachachejninta imallawanpis yanapächun.

Filipenses 1:1

Filipos siudächo caycaj cuyay ermänucuna, mayur ermänucuna: Noga Pablo Jesucristupa sirbejninmi gamcunaman cay cartata apaycächimö. Timoteopis salüdunta apachicamunmi.

Filipenses 1:3

Gamcunapaj yarpärishpä imaypis Tayta Diosta agradësicömi.

Filipenses 2:30

Gamcunapa ruquiqui yanapämänanpaj cachamuptiquimi yanapaycämashancho cäsi wañushapis. Payga llapantapis päsasha Jesucristuta sirbishpanmi.