Filipenses 2:14 - Tayta Diosninchi Isquirbichishan

¹⁴ Mana jamurpänacuyllapa, mana rimanacuyllapa imaypis alli caway.

Filipenses 2:14 ပူးပေါင်းရင်းမြစ်များ

Salmos 106:25

Tiyaycashancunacho Tayta Diospa washanta parlaran. Pay nishantaga mana wiyacuranchu.

Proverbios 13:10

Alli-tucojcunaga pitapis chiquinacuyllachömi cawachin. Willapashanta wiyacojcunami ichanga yachaj runa.

Números 14:27

«¿Fiyu Israelcuna washä rimashanta imaycamaraj awantashaj? Conträ rimashanta wiyashcänami.

Mateo 20:11

Waquin chasquishannölla chasquirshi chay runacunaga chacrayojta ollgöpar cayno nisha:

Marcos 14:5

Chay perfumitaga ranticushwan caran quimsa pachac (300) junaj arur gänashan risyucho chay guellayta pobricunata goycunapaj.» Chayno nishpan warmita jamurparan.

Marcos 9:14

Chaura waquin disïpuluncuna caycashan cajman chayar tariran aypalla runacuna juntaparaycajta. Disïpulucunaga lay yachachejcunawan rimanacuycänaj.

Lucas 5:30

Chaymi Moisés isquirbishanta yachachejcunawan fariseucunaga jamurpashpan Jesuspa disïpuluncunata niran: «¿Imanirtaj impuesto cobrajcunawan mana alli ricasha juchasapa runacunawan micurcaycan?»

Hechos 15:2

Chaymi Pabluwan Bernabëga paycunawan rimanacuran. Chaura ermänucunaga Pabluta, Bernabëta, waquin ermänucunatapis Jerusalenman cacharan apostulcunata, mayurcunata tapucunanpaj.

Hechos 15:39

Chaymi Pabluwan Bernabëga rimanacur raquicaran. Bernabëga Marcusta pushacurcur büquiwan Chipriman aywacuran.

Hechos 15:7

May öra parlacur apänacuran. Pedrupis jatarcur niran: «Ermänucuna, unaynami nogata Tayta Dios acramaran mana Israel runacunata alli willacuyta willapänäpaj, paycunapis Jesucristuman yäracur salbacunanpaj.

Hechos 6:1

Chay wichan Jesucristuman yäracojcuna achcayaran griego rimayta rimajcuna, hebreo rimayta rimajcunapis. Griego rimaj yäracojcunaga quijacuran: «Hebreo biyüdacunaga achca micuytami chasquin. Noganchi caj biyüdacunaga wallca micuyllatami chasquinchi» nir.

Romanos 12:18

Gamcunaga puydishayquiman-tupu llapanwan ima-aycanöpapis alli caway-llapa.

Romanos 14:1

Pishillaraj yäracoj ermänucunataga alli chasquiy. Ichanga gamcuna yarpashayquiman paycunapa yarpaynin mana tincuptinpis ama rimanacuychu.

Romanos 16:17

Ermänucuna, pipis chiquinacunayquipaj o Jesucristupa willacuyninta mana cäsupänayquipaj shimita goshuptiqui ama chasquipanquichu. Shimita gocojcunaga llutantami yachaycächishunqui. Chaycunapitaga witicuy.

1 Corintios 10:10

Waquin Israelcuna Tayta Diosninchïta jamurpar contran jatarishanno ama caychu. Chaypitami jamurpar contran jatarejcunataga wañuchicoj anjil wañuchiran.

2 Corintios 12:20

Gamcuna cajman shamur llutanta rurarcaycajta tarinäpaj cajpitami llaquicö. Llutanta ruraycajta tarerga gamcunapaj fiyupami llaquicushaj. Ojalä tarëman mana rimanacuycajta, mana chiquinacuycajta, mana rabyachinacuycajta, imatapis quiquillanpaj mana ashiycajta, mana washa-rimata, mana jamurpänacuycajta, mana alli-tucuycajta, mana contra jatarir goyaycajta.

Gálatas 5:15

Chayno caycaptenga ¿imanirtaj mishiwan allgu chiquinacojno goyaycanqui? Chayno cawarga jagayächinacur gargunacunquipämi.

Gálatas 5:26

Chayno caycaptenga ama alli-tucushunchu. Ama chiquinacushunchu.

Filipenses 2:3

Ama runa-masiquiwan chiquinacuychu. Ama yachaj-tucuychu. Chaypa ruquenga pitapis rispëtuwan ricay.

1 Tesalonicenses 5:13

Paycunataga llapayqui alli cuyay ari. Chaynöpis llapayqui jaucalla goyay.

1 Tesalonicenses 5:15

Pipis imatapis mana allita rurashuptiqui gamcunapis cuydä mana alliwan cutichir. Chaypa ruquenga allillata rurar ermänucunawanpis y pï-maywanpis alli goyay.

Hebreos 12:14

Llapanwanpis allilla ricanacunqui. Tayta Diosninchi munashallanta ruranqui. Man'chäga pipis manami Tayta Diospa ñaupanman chayangachu.

Santiago 1:20

Rabyarga Dios munashanta manami ruranchu.

Santiago 3:14

Shongullayquicho runa-masiquita chiquipar, nanaparar ichanga ama yarpaychu yachaj cashayquita. Yachaj-tucorga manami rasunpa yachajchu canqui.

Santiago 5:9

Ermänucuna, Jesucristo cutimur runacunata jusgananpaj caycaptenga ama jamurpänacuychu. Jamurpänacuptiquega pay jusgashunquipämi.

1 Pedro 3:11

Mana allicunataga ama rurachunchu. Allillata rurachun. Piwanpis alli cawayta ashichun.

1 Pedro 4:9

Pipis wasiquiman chayamojtaga cushisha jamachiy. Nircorga washanta ama rimaychu.

Judas 1:16

Llutan yachachicojcunaga jamurpäcun. Imata chasquirpis manami cuntintanchu. Mana allita yarpashallantami ruran. Alli-tucur manacajcunata parlan. Yarpashancunata rurachinan-cashami alli shimillanpa runacunata engañan.