Ezequiel 7:26 - Tayta Diosninchi Isquirbichishan

²⁶ Paycunapäga mana alli goyayllanami jananman jananmanpis chayangapaj. Mana alli willapallanami imaypis canga. Yanganami ashenga profëtatapis ‹Tayta Dios ¿ima nintaj?› nir tapucunanpaj. Tantiyachej cüracunapis manami canganachu. Alli willapänanpaj auquincunapis manami canganachu.

Ezequiel 7:26 ပူးပေါင်းရင်းမြစ်များ

Salmos 74:9

Bandëräcunapis mananami ichirpannachu. Profëtacunapis mananami cannachu imaycama chaynölla canäcunapaj cashanta willamänanpaj.

Isaías 47:11

Gammanga fiyupa disigrasyami chayamoj-aywan. Chay disigrasya imay cananpaj cashantapis manami musyanquipächu. Fiyupa mana alli chayashunayquipaj cajpitaga manami imanöpapis gueshpinquipächu. Mana yarpashayqui fiyupa mana allicunami illajpita chayashunquipaj.

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Jeremías 37:17

Chaypitana ray Sedequiasga palasyunman Jeremiasta apapänanpaj niran. Chayachiptin rayga pacayllapa Jeremiasta tapuran: «¿Imallataga Tayta Dios willashurayquichu?» nir. Chaura Jeremías niran: «Au. Tayta ray, gamga Babiloniacunapa rayninpa munayninchömi prësu canquipaj.»

Jeremías 4:20

Yapay-yapaymi mana allicuna chayaycämun. Nasyuncunapis llapanmi ushacashana. Pachacunäpaj ichichishä toldöcunatapis illajpitami illgarachisha.

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 11:2

Tayta Dios nimaran: «Runa, chay runacunami mana allita rurayllata yarparcaycan. Siudächo tiyajcunatapis llutantami willaparcaycan.

Ezequiel 12:22

«Runa, ¿imanirtaj chay Israelcunaga nircaycan ‹profëtacuna willacushanga quillapis watapis päsashanami. Ichanga willacushan manami cumlicanchu› nir?

Ezequiel 14:1

Juc ishcay Israel auquincuna nogaman shamuran. Nircur paycunaga ñaupäman jamacuran.

Ezequiel 21:7

‹¿Imapitataj wagaycanqui?› nishuptiquega gam ninqui cay nasyunman mana alli chayamunanpaj cajta mayaycur wagaycashayquita. Ninqui, chay junäga llapan callpaynajno ricacunanpaj cashanta, pipapis manana balurnin cananpaj cashanta, manchariyllawan chaquincunapis sicsicyananpaj cashanta. Chayno cananpaj caj öraga chayaycämunnami. Manapis aycällatanami canga. Noga Tayta Diosmi chayno në.»

Ezequiel 22:26

Cürayquicunaga laynëcunata manami cumlishachu. Rispitädu cösäcunatapis manacajmanmi churasha. Paycunapäga rispitädu cajpis, mana rispitädu cajpis iwal-llami. Chayno manami pitapis yachachinchu maygan limyu cashanta, ni maygan ganra cashantapis. Säbadu jamay junajtapis manami cäsunchu. Nogatapis manami rispitamanchu.

Ezequiel 33:31

Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.

Ezequiel 8:1

Sojta wata sojta quilla pichga junajninna caran Babiloniaman apamashancunaga. Chay junaj nogaga jamaraycarä wasëcho mayur Judá runacunawan. Illajpita mayarä Tayta Diospa munaynin nogaman chayamojta.

Levítico 26:18

«Chayno ruraycaptëpis mana wiyacamaptiquega juchayquicunapita ganchis cuti mas fiyuparämi castigashayqui.

Levítico 26:21

«Chayno ruraycaptëpis sïguir conträ captiquega, nishäcunata mana wiyacuptiquega juchayqui cashanmannömi ganchis cuti mas fiyuparaj castigashayqui.

Levítico 26:24

nogapis contrayquimi ricacushäpaj. Chaymi juchayquicunapitaga ganchis cuti mas fiyuparaj castigashayqui.

Levítico 26:28

nogapis contrayquimi cashaj. Rabyashpämi juchayquicunapita ganchis cuti mas fiyuparaj castigashayqui.

Miqueas 3:6

Chaypitami gamcunataga manana musyachishayquinachu imata ruranäpaj cajtapis. Ima cananpaj cajcunatapis manami willapäshayquinachu.» Chay profëtacunapäga intipis yagacongami. Paycunapäga pachapis chacacäcongami.

Malaquías 2:7

Cüracunapa aruynenga caycan runacuna noga pï cashätapis musyananpaj yachachiymi. Cüracunamanga llapan runacunami aywanman yachachishanta wiyananpaj. Paycunaga nogapa willacojnëmi caycan.

Malaquías 2:9

Noga nishäcunata mana cumlishayquipitami, runacunata yachachishpayquipis jucta mas alli juctana mana alli ricashayquipitami noga camacächishaj llapan runacuna mana bälejtano ricashunayquipaj, manacajman churashunayquipaj.» Munayniyoj Tayta Diosmi chayno nin.

Deuteronomio 32:23

Paycunataga tucuynöpami castigashaj. Wacpita-caypitami lëchäcunata chayachishaj.

1 Samuel 3:1

Wamra Samuelga cüra Elí nishanta rurashpan Tayta Diosta sirbiycaran. Chay wichan Tayta Dios manami llutallaga pitapis willapajchu. Imatapis manami musyachejchu.