Ezequiel 7:24 - Tayta Diosninchi Isquirbichishan

²⁴ Nogami camacächishaj fiyu runacuna chayaycamur siudächo tiyajcunapa wasincunata guechurgärinanpaj. Chaynöpami munayniyoj Israelcunapis manana alli-tuconganachu. Nogami camacächishaj rispitädu capillancunapis manacajman churasha cananpaj.

Ezequiel 7:24 ပူးပေါင်းရင်းမြစ်များ

Génesis 47:26

Josëga llapan Egipto runacunata niran murushancuna poguptin cada pichga arröbapita juc arröbata faraonta cutichinanpaj. Chayno pägayga canancamapis caycanrämi. Cüracunami ichanga mana päganchu. Paycunapaga chacrancunapis manami faraonpachu caran.

Salmos 106:41

Payta mana rispitajcunapa munayninman cachaycuran. Chiquinacushancunanami paycunataga maquincho charararan.

Salmos 74:7

Wasiquitaga manami rispitashachu. Chaypa ruquenga rupaycärachishami.

Salmos 83:12

Paycunaga «Dios goycushan chacrata charicarcärishun» niran.

Isaías 5:14

Fistacunallacho goyajcunata y llutancunata parlar cawacojcunataga micucoj animalnömi chay runacunata y mandajnincunatapis llapanta ultacurcunanpaj sepultüra shuyaraycan.

Jeremías 12:12

Chunyaj lömacunapa intërupami contran fiyu runacunaga yuricarcamusha. Paycunami acrashä nasyun runacunata usharinäpaj sablëno caycan. Chaymi mayganpäpis manana alli goyay cannachu.

Jeremías 17:4

Partisyun goycushä nasyuntapis cachaycärinquipämi. Quiquiquicunapis mana rejsishayqui nasyunchömi contrayquicunapa uywaynin canquipaj. Nogaga fiyupami gamcunapaj rabyasha caycä. Chaymi nina fiyupa ratarir mana upejno ushajpaj usharishayquipaj.»

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Jeremías 6:12

Chacrancunapis, wasincunapis, warmincunapis jucpanami cangapaj. Cay nasyuncho tiyaj runacunataga nogami castigashaj. Noga Tayta Diosmi chayno në.

Lamentaciones 5:2

Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Ezequiel 21:2

«Runa, Jerusalenmanna ricäriy. Nircur chaycho caj Templu imano cananpäpis rimay. Israel nasyun imano cananpäpis rimay.

Ezequiel 21:31

Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Ezequiel 28:7

Chaypitami camacächishaj gampa contrayqui mas fiyu jäpa runacuna shamunanpaj. Chaycunami sablinta jorgonga cuyayllapaj sumaj yachaj caycajta wañuchishunayquipaj. Chauraga allicho caycajtapis pasaypa manacajmanmi churashunquipaj.

Ezequiel 33:28

Chay Israel nasyuntaga pasaypa chunyajtami cachaycushaj. Israel jircacunaga chunyajmi ricaconga. Chaypaga manami pipis purenganachu. Runacuna alli-tucurcaycashantapis manacajmanmi churashaj.

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»