Ezequiel 7:11 - Tayta Diosninchi Isquirbichishan

¹¹ Pï-maypis mana allillatana ruraycan. Ichanga paycuna manami jucnayllapis quëdangachu. Ni ima-aycanpis manami quëdangachu.

Ezequiel 7:11 ပူးပေါင်းရင်းမြစ်များ

Salmos 125:3

Tayta Dios acrashan runacunata manami fiyu runacunaga mandangachu. Fiyu runacuna mandaptin alli runacunaga juchata rurarpis ruraycunmanchari.

Salmos 73:8

Runacunapa washan riman. Llapan runatami cushipan. Fiyupa alli-tucushpan paycunaga pitapis mana allita rurayta munarcaycan.

Salmos 78:64

Cüracunapis sabliwan wañuran. Biyüdacunapis paycunapäga manami wagaranchu.

Isaías 14:29

Filistea nasyun runacuna ama cushicuychu magaycäshushayqui Asiriapa raynin juc bastun paquejno wañushanpita. Juc culebra llojshishan uchcupita mas benënuyoj culebranami llojshimonga. Chaypa guepanmanga mas fiyupa benënuyoj buylaj culebrapis llojshimongami.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Isaías 9:4

Cushicuy caycan ñacaycajcunata Madián runacunapa munayninpita jorgushayquipitami. Chaynömi acrashayqui runacunataga salbashcanqui mandaj ñacachiptin fiyupa ñacaycho caycajta, fiyupa llaquicuycho caycajta.

Jeremías 22:18

Chaypitami Josiaspa wamran Judäpa raynin Joacimpaj Tayta Dios cayno nin: «Pay wañuptenga manami pipis wagangapächu. Manami pipis ‹¡Wauguillau! ¡Pañillau! ¡Ay taytallau! ¡Ay mandajnillau!› nir wagangapächu.

Jeremías 25:33

Tayta Dios castigaptin wañojcunaga chay junaj intëru jircachömi mashtaräconga. Wañojcunapäga manami pipis wagangachu. Pampananpäpis manami pipis shuntangachu. Uywacunapa iscannömi jinan pampacho mashtarpäconga.

Jeremías 6:7

Pucyupita yacu llojshimojnömi Jerusalenpitaga mana allicuna intëruman mashtacaycan. Chay siudäpitaga imaypis wiyacaycämun mana alli ruraycunallami, pillyallami. Chaymi imaypis ricaycä nanaywan gaparpaycajllata, rachir-ushashallata.

Jeremías 7:34

Judá nasyuncho caj llapan siudäcunacho, Jerusalén cällicunacho cushicuy fista cajpis manami cangapänachu. Manami pipis casaray fistacho birsonganachu. Nasyun intërumi chunyaj ricacongapaj.»

Ezequiel 45:9

«Noga, Tayta Diosmi në: ¡Israel mandajcuna, amana mana alli cajtaga ruraynachu ni pitapis ama ñacachiynachu! ¡Llapantapis ruray rasun cajta, alli cajllatana! ¡Acrashä runacunapa chacranta ama guechuychu! Noga Tayta Diosmi chayno në.

Ezequiel 5:11

«Noga Tayta Diosmi jurä: Rispitädu Templöta ganrachishpayqui fiyupa melanaypajcunata rurashayquimannömi nogapis mana cuyapaypa illgächishayqui. Manami perdunashayquichu.

Ezequiel 5:4

Yapay chay shuntashayquipitapis waquinta ninaman rupachinqui. Chaypitami llapan Israel runacunaman nina chayangapaj.»

Ezequiel 6:11

Tayta Dios nimaran: «Fiyupa rabyashpayqui macshucachay, jaytacachay. Melanaypaj mana allicunata Israelcuna rurashanpita almirashpayqui fiyupa gayaray. Juchanpitami paycunaga wañonga guërracho, yargaywan, gueshyawanpis.

Ezequiel 7:16

Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.

Ezequiel 7:2

«Runa, noga Tayta Diosmi Israel nasyunta cayno në: ‹Ushacänayqui junaj chayaycämunnami. Intëru pacha ushacänanpäpis chayaycämunnami.

Ezequiel 7:23

«Nasyun intërucho wañuchinacuyllanami caycan. Siudächo tiyajcunaga intëruchömi mana allillatana rurarcaycan. Chaymi paycunapaj cadinata camariy.

Ezequiel 8:17

Chaura Tayta Dios nimaran: «Runa, ¿ricanquichu? Fiyupa melanaypaj mana allicunata ruraycashpanpis Judá runacunaga mana yamacaypa mastarämi rurarcaycan. Cay nasyunchöga intëruchömi mana allita ruraycan, wañuchinacuycan. Yaparir-yaparirmi fiyupa rabyachiman. Melanaypajcunata rurashancunapa asyaynincunapis sengämanraj chayaycämun.

Amós 3:10

«Paycunaga alli cajta rurayta manami yachanchu. Guechushancunallatami palasyuncunachöpis chararaycan.»

Amós 6:3

Gamcunaga fiyupa ñacay junaj chayamunanpaj caycajta manami yarpayllapis yarpanquichu. Chaypis mana allita rurar masmi gayaycanqui chay ñacay junajta.

Miqueas 2:2

Chacrata munaparga chay chacracunata guechucurin. Wasicunata munaparga chay wasicunatapis guechucurin. Runata warmintinta, wamrantinta ñacachin. Taytan maman cachapaycushan chacracunatapis engañaypa guechucurin.

Miqueas 3:3

Israelcunataga cawaycajtami ultacarcärinqui. Garancunata rachir-ushashpayqui tulluncunatapis paquirgärinquimi. Söpa mancaman wiñananpaj aychata rurashannömi gamcunaga ruraycanqui.

Miqueas 6:12

Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Sofonías 1:18

Tayta Dios jusganan junäga manami runata salbangapächu guellaynin ni gori charashanpis. Tayta Dios rabyasha caycashanga ninanörämi nasyun intëruta usharengapaj. Cay pachacho tiyajcunataga llapantami juc guepishtayllacho usharengapaj.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.