Ezequiel 6:6 - Tayta Diosninchi Isquirbichishan

⁶ Gamcuna tiyashayqui siudäcunaga maychöpis illgashami canga. Nogata aduramänayquipa ruquin juccunata aduranayquipaj rurashayqui capillacunapis juchuchishami canga. Altarniquicunapis pasaypami illganga. Ïduluyquicunapis paquir-ushashami goturpanga. Insinsuta saumachinayquipaj rurashayqui altarniquicunapis juchuchishami canga. Gamcuna rurashayquega llapanmi illganga.

Ezequiel 6:6 ပူးပေါင်းရင်းမြစ်များ

1 Reyes 14:23

Paycunapis ruraran mana sirbej ïdulucunata, ricäpa puytush lömacunacho capillantapis. Ichichiran wanca rumicunata, Asera nishan diosata adurananpaj racu guerucunata, ricäpannin puytush lömacunacho, rämasapa yöracunapa chaquincunacho.

Salmos 115:8

Chay ïdulucunanömi caycan chay ïdulucunata rurajcunapis. Chay ïdulucunanömi caycan chay ïdulucunaman yäracojcunapis.

Isaías 1:31

Callpayoj runaga ricacongapaj ogshanöllami. Imata arushancunapis canga lliptano yangallami. Chaynömi runaga arushanwan iwal rupanga. Chay ninata upichinanpäga manami pipis cangapächu.

Isaías 2:18

Chay öraga ïdulucunatapis ushajpämi illgächenga.

Isaías 2:20

Chay junäga runacuna ïduluncunata goripita, guellaypita adurananpaj rurashantapis cachaycärengapaj ucushcuna tiyanan, chicchicuna tiyanan uchcucunachömi.

Isaías 27:9

Chaynöpami Jacobpita mirar aywajcuna jucha rurashantaga perdunanga. Chaymi iscu rumita cuwarcur jururachishanno juccunapaj rupachinan altarcunata ichic-ichiclla rurarenga. Asera diosa-niraj ïdulucuna jucnayllapis manami canganachu. Juc dioscunapaj insinsu saumachicunan altarcunapis manami canganachu.

Isaías 6:11

Chayno nimaptin tapurä: «Tayta, ¿imaycamaraj chaynöga canga?» nir. Paynami nimaran: «Chaynöga canga siudäcuna ushajpaj illgänancamami, chay siudächo runacuna jucnayllapis mana tiyanancamami, wasicunapis chunyaj canancamami, chacracunapis purunyänancamami,

Isaías 64:10

Rispitädu siudäniquicunaga chunyajman ticrashami caycan. Jerusalenga pasaypa juchusha ragällanmi caycan.

Jeremías 10:22

¡Sumaj wiyay-llapa! ¡Mana alli willapami chayaycämun! Norte caj-lä nasyunpitami aypalla suldärucuna aywarcaycämun. Chay suldärucuna chayamushpan Judächo caycaj siudäcunataga illgarachengami. Chaura jirca allgucunallanami chaychöga tiyanga.

Jeremías 17:3

Altu puntacunachömi camacächishaj juchayquipita ima-aycayquitapis, guellayniquitapis suwapäshunayquipaj. Chaynöga camacächishaj nasyunniquicho fiyupa juchata rurashayquipitami.

Jeremías 2:15

¿Imanirtaj paycunamanga contrancuna sinchipa gaparpar liyunnöraj yaycun? Paycunapa nasyunnintaga cachaycärisha ragällatami. Llapan siudänincunatapis rupaycachishami. Chaychöga manami pipis tiyannachu.

Jeremías 34:22

Nogami camacächishaj cay siudäman cutimur magaj yaycamunanpaj. Cutiycamurmi runacunata wañuchenga. Nircur wasincunatapis rupaycachenga. Chayno ruraptin Judächo caj waquin siudäcunaga chunyajmi ricaconga. Manami juc runapis cangachu. Noga Tayta Diosmi chayno në.»

Jeremías 51:18

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Jeremías 9:19

Sionpita-pacha wiyacämun nanaywan cayno gaparpashanpis: «¡Fiyupa cuyapaypämi llapanchïpis mana alli quëdashcanchi! ¡Fiyupa pengaypämi carcaycanchi! Cananga nasyunninchïta cachaycärirchari aywacushun. Wasinchïcunapis juchushami caycan.»

Ezequiel 12:19

Nircur, prësu shamoj runacunata cayno willapay: ‹Jerusalén runacunapaj, llapan Israelcunapäpis Tayta Diosga caynömi nin: Gamcuna fiyupa mana allita rurashayquipitami juc junäga fiyupa llaquishalla micunquicunapaj, yacutapis fiyupa manchacashalla upunquicunapaj. Nasyunniquega quëdangapaj pasaypa illgächisha, chunyajmi.

Ezequiel 16:39

Chay shamoj nasyun runacunapa maquinmanmi cachaycushayquipaj. Paycunami illgächenga pï-maywanpis cacunayquipaj rurashayquita, ïdulucunata aduranayquipaj rurashayquitapis. Paycunami guechushunquipaj röpayquicunata, camaränayquipaj jatirashayqui adurnuyquicunatapis. Nircorga pasaypa galallatami cachaycushunquipaj.

Ezequiel 30:13

« ‹Noga Tayta Diosmi në: « ‹Ïdulucunata rurashantapis llapantami illgächishaj. Menfis siudächo mana bälej diosnincunatapis ushajpämi illgächishaj. Chay nasyunmanga fiyupa manchariycunatami chayachishaj. Egiptucunata mandananpaj yapayga mananami cangapänachu.

Ezequiel 35:4

Siudäniquicuna illgänanpämi camacächishaj. Quiquiquinami chunyaj jirca ricacunquipaj. Chayrämi musyanquipaj noga Tayta Dios cashäta.

Ezequiel 5:14

«Jerusalén, nogami camacächishaj ragällan canayquipaj. Chaynöpami läduyquipa caj nasyun runacuna ricashuptiqui canquipaj llaquipaypaj. Caminanticunapis llapanmi ricashunquipaj imano caycashayquitapis.

Ezequiel 6:4

Illgächishaj insinsu rupachinancunata, uywacunata pishtarcur rupachinan altarcunatapis. Ïdulucunapa ñaupanchömi runacuna wañusha mashtarpanga.

Ezequiel 6:7

Chaychica runami wañonga. Chayrämi tantiyacunquipaj noga rasunpa Tayta Dios cashäta.

Oseas 10:2

Israelga ishcay shongumi. Cananmi ichanga llapan juchanpita castigasha canga. Tayta Diosmi capillancunata juchurgärachenga. Rispitädu ïduluncunatapis sajtargärenga.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Levítico 26:30

Lömacunacho ïdulucunata aduranayquipaj jatarachishayqui capillayquicunatapis juchuchishaj. Insinsu saumachicunayquitapis paquir-usharishaj. Wañuptiqui ïdulucuna jananmanmi wicapashayqui. Chayno rurar fiyupami contrayqui ricacushaj.

Levítico 26:31

Siudäniquicunatapis ragällantami cachaycushaj. Capillayquicunatapis juchurachishaj. Nogapaj alli jömuy chayamunanpaj uywacunata rupachiptiquipis manami cushicushänachu.

Miqueas 1:7

Rispitar adurashan ïduluncunatapis ruparachishaj, agullarishaj. Chaycunataga ruraran pï-maywanpis cacoj warmicunapita chasquishan guellaywanmi. Chaypitami yapay ticrachishaj pï-maywanpis cacoj warmicunata pägananpaj.»

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.

Miqueas 5:13

Ïduluyquicunatapis, rispitashayqui wancacunatapis ushajpämi illgächishaj. Chayno ruraptëga imaypis manami aduranquipänachu quiquiquicuna ‹diosnë› nir rurashayquita.

Habacuc 2:18

«¡Ay imanöraj canqui ïduluta adurajcuna! Gamcunaga guerupita rurasha ïdulucunatami ‹ricchay› nircaycanqui. Imatapis mana rimacoj rumitami ‹jatariy› nircaycanqui. ¿Chaycuna imallataga willapäshunquichuraj? ¡Manami imatapis willapäshunquichu! Chaycunaga goriwan, guellaywan chapyasha carpis manami cawanchu. ¿Imapäraj bälinman runalla rurashan diosga? ¿Imapätaj alli canman imatapis mana yachachej jundisha ïduluga? Chay ïdulucunaga manami rimanchu. Chayno caycaptin chay ïduluta ruraj runaga ¿imanöparaj yäracunman chay ïdulucunamanga?

Sofonías 1:18

Tayta Dios jusganan junäga manami runata salbangapächu guellaynin ni gori charashanpis. Tayta Dios rabyasha caycashanga ninanörämi nasyun intëruta usharengapaj. Cay pachacho tiyajcunataga llapantami juc guepishtayllacho usharengapaj.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

1 Samuel 5:4

Yapay warannin tutapis Asdod runacuna Dagontaga tariran Tayta Diospa babulnin ñaupancho lätacasha jitaraycajta. Umanwan maquincunana paquisha jitarpaycaran puncu yaycurinacho. Cuerpullanna sänu caycaran.