Ezequiel 5:8 - Tayta Diosninchi Isquirbichishan

⁸ Chaypitami noga Tayta Diosga në: Nogapis ricacushaj gamcunapa contrayquimi. Llapan nasyuncuna ricacunanpämi castigashayqui.

Ezequiel 5:8 ပူးပေါင်းရင်းမြစ်များ

Jeremías 21:13

«Jerusalén runacuna, gamcunaga patacho cashpayquimi nircaycanqui: ‹¿Piraj noganchïmanga yaycamunman magamänanchïpaj? ¿Piraj chayamunman pacacunanchïcho carcaycashanchïcama?› nir. Nogami gamcunapäga fiyupa rabyasha caycä.

Jeremías 21:5

Quiquëmi gamcunapaj fiyupa rabyasha cashpä contrayqui pillyashaj. Munayniyoj cashpämi gamcunata magashayqui.

Jeremías 24:9

Paycunata castigaptë cay pachacho caj llapan nasyun runacunami mancharenga. Garguptë canga willapapämi, pï-maypitapis asipashami. May-chaychöpis maldisyunädumi goyanga.

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Lamentaciones 2:5

Tayta Diosga chiquimajninchïnömi ruramashcanchi: Israeltaga ushajpämi illgarachisha. Palasyucunatapis ushajpämi juchurachisha. Sumaj curalasha siudänincunatapis juchuchisha. Judäpa cuyayllapaj siudäninmanga jananman-jananman llaquicuyllatami chayaycächin.

Lamentaciones 3:3

Yaparir-yaparirmi imay örapis nogataga castigaycäman.

Ezequiel 11:9

Caypita jitarirmi gamcunataga juc-lä nasyun runacunapa maquinman cachaycushayqui. Chaynömi gamcunataga castigashayqui.

Ezequiel 13:8

« ‹Chaypitami llulla profëtacunata noga Tayta Dios në: Gamcuna manami rasun cajtachu willacushcanqui. Suyñuychöno ricashayquitapis manami nogachu ricachishcä. Chaypitami nogaga gamcunapa contrayqui caycä. Noga Tayta Diosmi chayno në.

Ezequiel 15:7

Nogami paycunapa contran ricacushaj. Juc ninapita gueshpiptinpis juc ninanami rupacurconga. Paycunapa contran ricacuptërämi gamcunaga musyanquipaj noga Tayta Dios cashäta.

Ezequiel 16:41

Wasiquicunata rupaycärachenga. Aypalla warmicunapa ñaupanchömi nenga imano canayquipäpis. Chaynöpami camacächishaj pï-maywanpis manana canayquipaj. Chauraga piwanpis mananami yapay canquipänachu. Manami cacunayquipaj pitapis päganquipänachu.

Ezequiel 21:3

Cayno niy: ‹Tayta Dios caynömi nin: Gamcunapaga contrayquimi ricacö. Sablëta jorgurir llapantami wañuchishaj alli cajcunatapis juchasapacunatapis.

Ezequiel 28:22

cayno ninqui: ‹Caynömi Tayta Dios nin: « ‹Sidón, nogami gampa contrayqui ricacö. Imano canayquipäpis nishä öra, santo cashäta musyacächishä öra, rejsicanga noga Tayta Dios cashä. Chauraga gampa ñaupayquichömi alabasha cashaj.

Ezequiel 30:19

Nogaga Egiptuta castigashaj imanöpis rurashanpitami. Chayrämi musyanga noga Tayta Dios cashäta.› »

Ezequiel 34:10

Tayta Dios gamcunapaj nishäta: Uyshërucuna, cananpitaga gamcunapa contrayquimi ricacö. Chaymi llapan uyshäpaj tapushayqui. Manana uyshërö canayquipänami gargushayqui. Chaynöpami quiquiquicunapis manana cuydacunquipänachu. Uyshäcunataga shuntacushämi gamcuna sïguir manana micunayquipaj.

Ezequiel 35:3

Cayno ninqui: ‹Tayta Dios caynömi nin: « ‹Seir jirca, nogami gampa contrayqui ricacö. Gamtami castigaj-aywä. Chauraga chunyajllana muntuy-muntuyllana quëdanquipaj.

Ezequiel 39:1

«Runa, gamga nogapa jutëcho Gogpa contran rimay: ‹Tayta Diosga caynömi nin: Mesecpawan Tubalpa mas mandajnin Gog, nogami gampa contrayqui ricacö.

Ezequiel 5:15

Gamcunapaj rabyasha cashpä imanöpis castigaptë, llapanmi ashllir wiyachipäshunquipaj. Sercayquipa tiyaj runacunapäpis ricacunanpämi canquipaj. Noga Tayta Diosmi nishcä chayno cananpaj.

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Mateo 22:7

«Chaura mandäga fiyupa rabyarshi suldäruncunata cachasha. Paycunashi aywaycur wañuchisha. Nircur marcancunatapis rupachir-ushasha.

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.