Ezequiel 5:10 - Tayta Diosninchi Isquirbichishan

¹⁰ Chaymi taytancuna wamrancunata micucurcongapaj; wamrancunapis taytancunata micucurcongapaj. Chaynömi gamcunataga castigashayqui. Waquinniqui cawaycar quëdaj cajtanami intëruman mashtarishayqui.

Ezequiel 5:10 ပူးပေါင်းရင်းမြစ်များ

2 Reyes 6:29

Chaymi wamräta yanurcur micucarcärirä. Waranninnami nishcä ‹Cananga gamna apamuy wamrayquita micunanchïpaj.› Niptë payga wamranta pacacuycusha.»

Nehemías 1:8

Masqui yarpaypis nogacunapaj Moiseswan willachimashayquita. Nogacuna juchata ruraptëga intëruman machiypa-machir gargaramänayquipämi nimarayqui.

Salmos 44:11

Nogacunataga gastupaj caj uyshano canäpänami cachaycamashcanqui. Machiypa machir gargaramashcanqui mana rispitashoj runacunaman.

Isaías 49:26

Ñacachishojcunataga quiquin-pura micunacunanpämi camacächishaj. Machananpaj bïnuta upushannömi quiquincunapa yawarnintapis uponga. Chaynöpami llapan runacuna musyangapaj Noga Tayta Dios salbashojniqui cashäta, Jacobpa munayniyoj Diosnin gamcunata chapaj cashäta.»

Isaías 9:20

Quiquinpa wamrancunata cada-ünun micucarcärin. Jucaj läduncho caycajta ultayllapa micucurcurpis yargaycanraj. Yapay jucaj läduncho caycajta micucurcurpis manami sacsanchu.

Jeremías 13:14

Nircurmi urputa paquejnöpis jucninta-jucninta tacanacachenga. Chaura paycuna illganga urpu paquir ushacashannömi. Chaynömi ruranga llapan runacunata papänincunatapis wamrancunatapis. Manami pitapis cuyapangachu. Pitapis mana cuyapashpanmi illgächenga› nir. Noga Tayta Diosmi chayno në.»

Jeremías 19:9

Noga camacächishaj quiquin-pura micunacunanpaj. Ollguta warmitapis wamrancunata miconga. Chaynöga canga wañuchicoj contrancuna intërunpa curalar chapacaycäriptinmi.›

Jeremías 44:12

Quëdajllan Judá runacuna Egiptuman aywacojcunapis Egiptucho llapan ushacänanpämi camacächishaj. Tacshapita asta jatuncama llapanmi wañonga guërrachöpis yargaywanpis. Pï-maypis gamcunataga manacajmanmi churashunquipaj. Pasaypa maldisyunädumi canquipaj.

Jeremías 49:32

¡Llapan uywancunata camëlluncunata suwapäshun!› nir. Sentïdunpa rutucojcunataga Nogami intëruman mashtacächishäpaj. Intërupitami paycunamanga ñacay chayanga. Noga Tayta Diosmi chayno në.

Jeremías 49:36

Cay Elam runacunamanga chuscun lädupitami wayratanöpis suldärucunata chayachimushaj. Chaura paycunataga intërumanmi mashtarenga. Chaynöpami Elamcunaga may nasyunmanpis pacacur aywaconga. Chaymi paycunaga maychöpis mana pishengachu.

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 9:16

Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»

Lamentaciones 2:20

Jerusalennami nin: «Tayta Dios, masqui ricay nogacunata imano päsaycämashantapis. Chuchuycashan wamrancunatami warmicuna micucarcärin. Cüracunatawan profëtacunatapis Templuchömi wañuchin. ¿Pillataga chayno rurashcanquichuraj?

Lamentaciones 4:10

Marca-masëcuna tiyashan siudäta illgächiptenga quiquinpa wamrancunami micuyninpis casha. Cuyapäcoj alli warmicunami wamrancunata yanucarcärisha.

Lamentaciones 4:16

Tayta Dios rabyacurcushpanmi wacpa caypa mashtacächisha. Nircur mananami imaypis ricärishanachu. Chaymi runacunaga cüracunata mana rispitashanachu. Auquincunatapis manami cuyapashanachu.

Lamentaciones 4:3

Asta atojcunapis wawantaga chuchunmi. Täpayllapami uywanpis. Marcächo tiyaj warmicunami ichanga wamrancunapaj rabyacurcusha. Chunyajcho tiyaj avestruz äbi wawanpaj fiyu cashannömi ricacusha.

Ezequiel 12:14

Payta washänanpaj caycaj suldärucunatana wacpa-caypa mashtarishaj. Chaynömi rurashaj waquin aypalla suldäruncunatapis. Nircurmi sablëta aptacurcur gaticachäshaj.

Ezequiel 12:15

Juc-lä nasyuncunaman machiypa-machir prësu aywashpanrämi paycunaga musyanga noga rasunpa Tayta Dios cashäta.

Ezequiel 17:21

Mas jinyu caj suldäruncunaga guërrachömi wañonga. Cawaycar quëdajcunanami machiypa-machir gueshpir aywaconga. Chayrämi gamcuna musyanquipaj noga Tayta Dios nishäga rasunpa cumlishanta.

Ezequiel 20:23

Chunyajcho jurashpä nirä intëru nasyuncunaman mashtacächinäpaj cashanta.

Ezequiel 22:15

Intëru nasyuncunamanmi mashtacächishayqui. May-chay nasyuncunamanpis gargushayqui. Chayno mashtacächishpämi ushajpaj limyuyächishayqui ganra caycashayquipita.

Ezequiel 36:19

Jucha rurashanpita castigarmi juc-lä nasyuncunaman gargur mashtacächishcä.

Ezequiel 5:12

Gamcuna quimsaman raquisha caycajpita juc partimi jinan siudächo wañonga fiyu gueshyawan, yargaywan. Yapay juc parti cajtanami contrancuna quiquin siudä ñaupancunacho wañuchenga. Yapay juc parti cajtanami machiypa-machir intëruman mashtarishaj. Paycunataga espädäta aptacurcurmi gaticachäshaj.

Ezequiel 5:2

Atacayta ushaycorga juc partiman raquishayqui caj ajchayquita siudäpa chaupincho rupachinqui. Yapay juc partiman raquishayqui cajtana siudäpa wajtanpa acapa-acapa cuchuraycar tumachinqui. Yapay juc parti puchoj cajtana janajpa jitarir machirinqui. Chay siudächo tiyaj runacunataga nogami espädäta aptacurcur gaticachäshaj.

Ezequiel 6:8

« ‹Chaypis nogami camacächishaj waquin Israelcunaga cawaycar quëdananpaj. Paycunaga juc-lä nasyuncunacho machicashami quëdanga.

Daniel 9:7

Tayta Dios gamga llapantapis allimi jusganqui. Nogacunami ichanga fiyupa pengacusha carcaycä. Pengacushami carcaycä Judá runacuna, Jerusalencho tiyajcunapis, waquin caj Israelcunapis, carucho tiyaj sercacho tiyajpis, gam nishayquita mana wiyacushanpita juc-lä nasyuncunaman jitarishayqui cajcunapis.

Levítico 26:29

Chauraga wamrayquicunata ollguta, warmitapis micunquipaj.

Levítico 26:33

Gamcunataga sablita aptacurcurmi gaticachäshayqui. Wacpa caypami mashtarishayqui. Nasyunniquega pasaypa chunyajmi ricacongapaj. Siudäniquicunapis ragällami quëdanga.

Amós 9:9

Nogami camacächishäpaj gamcunataga shuyshucunawan rïguta päjanpita shuyshojno tapsishunayquipaj. Päjano cajcunaga manami ni jucnayllapis quëdangachu.

Zacarías 2:6

Tayta Diosga acrashan runacunata nin: «Nogami camacächirä gamcuna wacpa-caypa intëruman mashtacänayquipäpis. Cananmi ichanga në: ¡Juclla gueshpir aywacuy norte caj-lä nasyunpitaga!

Zacarías 7:14

Chaypitami shucucuy wayra machip-machir apajnöpis wacpa caypa mashtacächishcä mana rejsishan nasyuncunaman. Paycuna aywacuptin nasyunga ricacuran pasaypa chunyajna. Chaychöga pipis manami tiyarannachu. ¡Cuyayllapaj nasyuntami paycunaga chunyajman ticrachiran!»

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Deuteronomio 28:64

Tayta Diosga llapan nasyunmanmi mashtaypa mashtar gargushunquipaj. Chay nasyuncunachöga juccuna adurashan guerupita rumipita rurasha ïdulucunatami aduranquipaj. Chaycunataga gampis ni unay awiluyquicunapis manami rejsishachu.

Deuteronomio 32:26

« ‹Nogaga yarparä pipis mana yarpänanpaj intërupa garguriytami.

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.