Ezequiel 47:18 - Tayta Diosninchi Isquirbichishan

¹⁸ «Inti yagamunan caj-läpa lindan canga Haurán y Damasco caycashanpita-pacha Cachi Lamarpa ñaupancho caycaj Tamar siudäcama. Chay lindaga aywaranga Jordán mayullanpa. Chaura Galaadpawan Israelpaga chaypami lindan canga.

Ezequiel 47:18 ပူးပေါင်းရင်းမြစ်များ

Génesis 13:10

Chaura Lotga intërupa ricachacuran. Ricäriran Jordán mayu aywajpa Zoar marcacama. Chay ragran pampa aywajpa Edén werta cashannöraj achca yacuyoj caycämuran. Egiptucho tiyashanta cachaycushan-nirajraj caycämuran. (Chayno caycaran Sodoma siudäta Gomorra siudäta Tayta Dios manaraj illgächiptinmi.)

Génesis 13:11

Chaura Lotga acraran Jordán mayu aywaycashan caj ragran aywaj pampata. Chay tiyaycashan partipita Lotga inti yagamunan-läman aywacuran. Chaynöpami Abramwan Lotga juc-lächo juc-lächöna tiyacuran.

Génesis 31:23

Chaymi Labanga castancunawan Jacobta gatir aywaran. Chayno aywashpan ganchis junajtaraj tariparan Galaad particho caycaj jircacunacho caycajta.

Génesis 31:47

Chay partipa jutinta Labanga quiquinpa rimaynincho churaparan Jegar Sahaduta nir. Jacobna quiquinpa rimaynincho churaparan Galaad nir.

Génesis 37:25

Wiñarpärir micur jamacaycäriran. Chaypita ricaran juc röpa Ismael runacuna aywaycämojta. Paycunaga aywaycämuran achca camëlluncunawan nigusyun cargasha. Galaadpita aparcaycaran perfümita, balsamuta, mïrrata. Chaycunataga Egiptumanmi ranticoj apaycaran.

Job 40:23

Mayu chayaptinpis manami manchacunchu. Sengancamana yacu ñitiptinpis imatapis mana gocuypami cacun.

Jeremías 50:19

Chayno ruraptë Israelcunaga quiquinpa nasyunninmanmi cuticongapaj. Uyshapaj guewa caycajnöpis paycunapaga aypallami chacrancuna caycanga: Carmelo puntapis, Basanpis, Efraín aypalla puntayoj jircapis, Galaadpis.

Ezequiel 47:16

Berota siudäpa, Sibraim siudäpa (Chay siudäcunaga caycan Damascupita Hamatman aywajcho), nircur Hasar-haticón partipa (Chayga tincuycan Haurán partiwan).

Joel 2:20

Micuyta ushaj chüpacacuna jana caj-läpita aywamojtapis gamcunapitaga gargushämi. Chayno gargurmi jitarishäpaj chunyajman. Ñaupanta aywajcunatami shengaypa wañurachishaj Cachi lamarcho. Guepanta aywajcunatana shengachishaj Mediterráneo lamarcho. Wañur ismurmi fiyupa asyaricurenga. Chaynömi almiraypajcunata ruraj-aywä.

Números 32:1

Rubén trïbu runacunapa, Gad trïbu runacunapaga uywancuna aypalla caran. Paycuna ricaptin Jazer partiwan Galaad partiga uywancuna tiyananpaj alli caran.

Números 34:10

«Inti yagamunan caj-läpanami linda canga Hazar-enanpita gallaycur Sefam particama.

Jueces 10:8

Filistea runacunawan Amón runacunaga chunca pusaj (18) wata fiyupa ñacachiran Galaadcho tiyaj Israelcunata, Jordán mayu jucaj-lä chimpan Amorreo runacuna tiyashan cajcho tiyajcunataga.