Ezequiel 38:22 - Tayta Diosninchi Isquirbichishan

²² Chay runacunataga achca gueshyawan castigashaj fiyupa ñacar jinan öra wañunanpaj. Chaynömi camacächishaj payman, suldäruncunaman, waquin marca runacuna yanapaycajmanpis fiyupa löcu tamyantin, runtu tamya, nina rataycaj asufri tamyananpaj.

Ezequiel 38:22 ပူးပေါင်းရင်းမြစ်များ

Génesis 19:24

Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Isaías 28:17

Chaychöga alli goyaymi plomädano canga. Rasun cajta ruraynami nibilno canga. Gamcuna llullacuypa pacacushayquitaga runtu tamyami illgarachengapaj. Chapäshunayquipaj yäracushayquitanami yacu apacongapaj.

Isaías 34:3

Wañojcunatapis manami pipis shuntangachu. Chaycunaga fiyupa melanaypämi asyarenga. Intëru jircapapis yacunörämi yawarpis aywanga.

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Jeremías 25:31

Gayacamushanga wiyacan cay pachapa intëru cuchuncamami. Intëru nasyuncho tiyaycaj runacunatami Tayta Diosga jusganga. Wañoj cajtaga llapantami imata rurashantapis jusganga. Fiyu runacunataga llapantami wañuchichenga. Tayta Diosmi chayno nisha.»

Ezequiel 13:11

Chaymi chay lajtajcunata niy, perga tunicäcunanpaj cashanta. Fiyupa löcu tamyami tamyanga. Runtu tamyami ruminöcuna shicwamonga. Löcu wayra wayrämurmi sajtarenga.

Ezequiel 28:23

Gammanga tucuy-niraj gueshyatami chayachimushaj. Intëru cälliquicunachömi yawar mashtaranga. Wacpita caypita yaycur sabliwan cuchuypa wañuchiptinmi gamcho tiyaycajcunaga wañonga. Chaura noga Tayta Dios cashä musyacangami.

Ezequiel 39:6

«Ninatami ratarachishaj Magog runacuna tiyaycashancho, lamar cantuncho sumaj chapasha tiyarcaycajcunachöpis. Chayrämi paycuna musyangapaj noga Tayta Dios cashäta.

Ezequiel 5:17

Rasunpami camacächishaj gamcunachöga yargay, gueshya, wañuypis cananpaj. Micucoj animalcunapis wamrayquicunatami micucurcongapaj. Waquinniquinami guërracho wañunquipaj. Noga Tayta Diosmi chayno në.»

Joel 3:2

Llapan nasyun runacunata shuntarcurnami apashaj Josafat guechwa pampaman. Chaychönami chay runacunataga jusgashaj acrashä Israelcunata imanöpis rurashanpita. Chay runacunami intëru mundupa mashtacächiran Israelcunataga. Nircur acrashä nasyuntaga raquipänacuran.

Mateo 7:27

Wasi rurayta usharcuptin fiyupa tamyawan yacu chayar, löcu wayrapis chayar chay wasita ushajpämi juchurachisha.»

Josué 10:11

Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Apocalipsis 14:10

mana cuyapaypami Tayta Dios castiganga. Jesucristo y anjilcunapis ricaycaptinmi chay runacunaga asufri rataycajcho rupar ñacangapaj.

Apocalipsis 16:21

Syëlupitanami chuscu arröbano runtu tamya runacunapa jananman tamyamuran. Chay runtu tamyawan ñacar runacunaga Tayta Diospa contran fiyupa rimaran.

Apocalipsis 20:9

Chay suldärucunami jatun pampaman shuntacanga. Nircorga Tayta Diosman yäracoj runacunata y Jerusalentapis curalapayconga. Chayno curalaraycaptinmi Tayta Diosga syëlupita ninata cachamonga chay suldärucunata usharinanpaj.

Apocalipsis 8:7

Rimir caj anjil trompëtata tucaptin yawarwan nina tallusha runtu tamya cay pachaman tamyamuran. Chaura cay pachacho cajtaga pullanpita mastami ruparan yöracunatawan guewatapis.