Ezequiel 32:22 - Tayta Diosninchi Isquirbichishan

²² «Chaychömi caycan Asiria. Y llapan suldäruncunapis intërunpa tumarej pamparaycan. Paycunaga llapanpis guërrachömi wañusha.

Ezequiel 32:22 ပူးပေါင်းရင်းမြစ်များ

Isaías 14:25

Acrashä nasyunchömi Asiria runacunataga ushajpaj illgächishaj. Altu puntäcunachömi ñitirishaj. Acrashä runacunata yügu ñacachishanno manami ñacachenganachu. Lasaj guepita apachishanno manami ñacachenganachu.

Isaías 30:33

Unaypita-pachanami Asiriacunapäwan rayninpäga Tofet particho camarisha caycan fiyupa ñacananpaj. Chaychöga altar caycan fiyupa jatuncaraymi. Yantapis aypallami shancaraycan. Tayta Diosga juc pücayllawanmi sindirengapaj. Paypa shiminpitaga ratataycaj asufrimi llojshimonga.

Ezequiel 27:23

Gamwanmi ranticunacoj Harán, Cane, Edén runacuna, chayno Sabächo, Asiriacho, Mediacho tiyaj llapan nigusyanticunapis.

Ezequiel 32:24

«Chaychömi caycan Elampis llapan suldäruncunawan pamparashan uchcupa ñaupancho. Paycunaga llapanpis guërrachömi wañusha. Cawashan wichan paycuna runacunata fiyupa mancharachej cashpanpis mala-muertipa wañojcuna caycashan pacha rurinmanmi chayasha. Cananmi ichanga pipis mana rispitaptin waquin wañojcunawan iwalna caycan.

Ezequiel 32:26

«Chaychömi caycan Mesecpis Tubalpis. Y llapan suldäruncunapis intërunpa tumarej pamparaycan. Paycunaga llapanpis guërrachömi wañusha. Cawashan wichanga runacunata fiyupami mancharachiran. Cananmi ichanga mala-muertipa wañojcuna caycashan pacha rurinchöna carcaycan.

Nahúm 1:14

Nínive runacuna, gamcunapäga Tayta Dios caynömi nisha: «Gamcunapita mirar aywäga manami cangapänachu. Diosniquicunapa templuntapis juchuchishämi. Uywa-niraj ïduluyquicunatapis illgächishämi. Gamcunatapis melanaypaj captiquimi ushajpaj usharishayquipaj.»

Números 24:24

Lamar chaupin Chipre tishgupitami büquicunawan runacuna shamonga. Asiria nasyuncho caj marcacunata ragällantami cachayconga. Heber runacunatapis pasaypami ushacächenga.»