Ezequiel 30:8 - Tayta Diosninchi Isquirbichishan

⁸ Egiptucho nina rupananpaj camacächiptërämi, llapan yanapajcunatapis illgächiptërämi musyanga noga Tayta Dios cashäta.

Ezequiel 30:8 ပူးပေါင်းရင်းမြစ်များ

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.

Isaías 42:25

Chaypitami Tayta Diosga paycunapaj rabyacurcuran. Nircorga guërracho fiyupa ñacachishpan castigasha. Chay runacunataga rabyashpanmi Tayta Dios ninanöpis ushariran. Chayno ruraycaptinpis paycunaga manami wiyacuranchu.

Lamentaciones 4:11

Tayta Diosga fiyupa rabyasha caycashantami pascacächisha. Fiyupa rabyasha cashpanmi castigasha. Siontaga ninata sindipaycuran. Chauraga simintuntinta rupar ushacurcuran.

Ezequiel 22:31

Chaynöpami rabyasha caycashäta paycunacho päsachishcä. Nircorga usharishcä rabyashä ninanöraj caycajwan. Paycuna jucta imanöpis rurashanpita quiquincunaman ticrachishcä. Noga Tayta Diosmi chayno në.»

Ezequiel 28:24

Israelga yapay mananami ñacanganachu. Bisïnun nasyun runacunaga casha tucshejno, shira rachejnöpis mananami manacajman churanganachu. Chaura noga Tayta Dios cashä musyacangami.

Ezequiel 28:26

Chaychöga allillanami goyangapaj. Wasicunata jatarachenga. Übascunata lantapaconga. Nogami castigashäpaj Israelcunata manacajman churaj bisïnun nasyun runacunataga. Chauraga Israelcunapa noga Tayta Diosnin cashä musyacangami.› »

Ezequiel 29:16

Israel runacunapis yapayga mananami Egiptuman yäracongapänachu. Chaypa ruquenga paycuna tantiyaconga Egiptuman guellicushpan mana allita rurashantami. Chauraga paycuna musyangapämi noga Tayta Dios cashäta.› »

Ezequiel 29:6

Llapan Egipto runacunami musyangapaj noga rasunpa Tayta Dios cashäta. Israelcunaga gammanmi guellicamuran yanapänayquipaj. Chaypis gamga cashcanqui challcucoj shogushnömi:

Ezequiel 29:9

Chaura pipis mana tiyanan chunyajmanmi ticranquipaj. Runacunana musyanga noga Tayta Dios cashäta. Gamga nishcanqui: «Nilo mayuga nogapami. Nogami rurashcä» nir.

Ezequiel 30:14

Patros partitaga ushajpämi juchur-ushacächishaj. Zoán siudätapis ninawanmi rupaycachishaj. Tebas siudätapis sumajmi jusgashaj.

Ezequiel 30:16

Egiptumanga ninatami sindipaycachishaj. Sin runacunanami nanaywan gochpanga. Curalaraycaj Tebas siudäpatanami pergancunata juchurachenga. Menfis siudämanga junajpami pillyaj yaycupaycärenga.

Ezequiel 39:6

«Ninatami ratarachishaj Magog runacuna tiyaycashancho, lamar cantuncho sumaj chapasha tiyarcaycajcunachöpis. Chayrämi paycuna musyangapaj noga Tayta Dios cashäta.

Amós 1:10

Tiro siudäpa curral pergancunamanmi ninata sindipaycushaj. Chay ninami rupar ushacurconga palasyuncunata.»

Amós 1:12

Temán siudämanmi ninata sindipaycushaj. Chay ninami rupar ushacurconga Bosra siudächo caycaj palasyucunata.»

Amós 1:14

Rabá siudäpa pergancunamanmi ninata sindipaycushaj. Chay ninami palasyuncunata rupar ushacurconga. Pillyar gaparpaycaptinmi ninaga ushanga. Manchariypaj löcu wayra caycaptinmi ushanga.

Amós 1:4

Ray Hazaelpa famillyancuna tiyaycashan wasimanmi ninata sindipaycushaj. Chay ninami ushacurcongapaj ray Ben-adad tiyaycashan palasyutapis.

Amós 1:7

Gaza siudäpa curral pergancunamanmi ninata sindipaycushaj. Chay ninami rupar ushacurcongapaj palasyuncunatapis.

Amós 2:2

Moab nasyunmanmi ninata sindipaycushaj. Chay ninami rupar ushacurconga Queriot siudächo caycaj palasyucunata. Pillyacho gaparpaycaptin, trompëtacunata tucarcaycaptinmi Moab runacunataga wañuchir ushacächenga.

Amós 2:5

Judá nasyunmanmi ninata sindipaycushaj. Chaynami rupar illgarachenga Jerusalencho caycaj palasyucunata.»

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.