Ezequiel 30:4 - Tayta Diosninchi Isquirbichishan

⁴ Egiptuchöga guërrami canga. Chaycho aypallata wañuchiptin, ima-aycantapis apacuptin, Egiptupa pergancunatapis juchuchiptin Etiopiaga manchariywan sicsicyangami.

Ezequiel 30:4 ပူးပေါင်းရင်းမြစ်များ

Isaías 16:7

Chayno cashanpitami Moab runacunaga nasyunnin imano caycajtapis ricaycärir wagangapaj. Fiyupa llaquicurmi wagangapaj, chaquisha übaspita llapshalla mishquej tantata Kir-haresetcho micushanpaj yarpar.

Isaías 18:1

¡Ay imanöraj canga Etiopía nasyuncho caycaj mayucunapita mas washacho caycajcuna! Chay nasyunchöga aypalla chinrascunami inririycan.

Isaías 19:2

Tayta Diosmi nin: «Nogami camacächej-aywä Egipto runacuna rimanacur raquicänanpaj. Chaynömi camacächishaj quiquin-pura pillyananpaj. Amïgu-purami pillyanga. Marca-purami pillyanga. Nasyuncunata mandaj-purami pillyanga.

Isaías 20:3

Chaura Tayta Dios niran: «Sirbimajnë Isaiasga quimsa watanami rurin caj röpallanwan, gala-chaquilla goyasha Egipto runacunatawan Etiopía runacunata chayno päsananpaj cashanta musyachinanpaj.

Jeremías 46:9

«¡Cawalluwan muntäducuna pillyaj yaycuy! ¡Carrëtawan cajcunapis ayway! Pillyajcuna yaycuy. Ayway Etiopía nasyun suldärucuna, Fut parti suldärucuna chapacuna escüduyquicunata camaricarcärir. Camaricuy lëchawan illapay yachaj Lud parti suldärucuna.

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Ezequiel 28:23

Gammanga tucuy-niraj gueshyatami chayachimushaj. Intëru cälliquicunachömi yawar mashtaranga. Wacpita caypita yaycur sabliwan cuchuypa wañuchiptinmi gamcho tiyaycajcunaga wañonga. Chaura noga Tayta Dios cashä musyacangami.

Ezequiel 29:12

Egipto, nogami pasaypa illgächishayquipaj. Chuscu chunca (40) watacama siudäniquicunapis ragällan caconga. Waquin siudäcuna ragällan caycashanpita mas piyurmi quëdanquipaj. Gamcho tiyaj runacunatanami juc-lä nasyuncunaman gargurishaj.

Ezequiel 29:19

Chaymi, noga Tayta Dios në: Nogami camacächishaj Egiptuman Nabucodonosor yaycunanpaj. Nircur ima-aycantapis guechonga. Chay guechushanwannami suldäruncunata päganga.

Ezequiel 29:8

« ‹Chaymi, noga Tayta Dios në: Egipto, gamta magashunayquipaj shamonga sablincunawan. Wañuchenga runacunata, uywancunatapis.

Ezequiel 38:5

Paycunaga aywanga Persia, Etiopía, Libia runacunawan tacucashami. Chayno aywashpan llapanpis carcaycanga fyërru cascunwan, chapacuna escüdunwan.

Daniel 11:43

Egiptupita apacongapaj tarishantaga gorita, guellayta, ima-aycatapis alli cajtaga. Nircur Libia nasyunmanna Etiopía nasyunmanna yaycongapaj ima-aycantapis guechumunanpaj.

Sofonías 2:12

¡Etiopía runacuna, gamcunapäpis Tayta Dios camacächenga espädanwan wañunayquipämi!