Ezequiel 3:3 - Tayta Diosninchi Isquirbichishan

³ Nircur nimaran: «Runa, cay isquirbiraycajta entregashäta sacsanayquicama micuy.» Chayno nimaptin nogaga micurä. Chaura shimëchöga abëjapa mishquinnöraj fiyupa mishquiran.

Ezequiel 3:3 ပူးပေါင်းရင်းမြစ်များ

Job 23:12

Paypa laynincunallatami, rimashancunallatami cumlishcä. Manami quiquë munashallätachu rurashcä.

Salmos 119:103

Shimëchöga mil-abëjapa mishquinpitapis masmi mishquëman palabrayquega.

Salmos 119:11

Gam aunimashayquitaga llapan shongöpa yarparaycä juchata mana ruranäpaj.

Salmos 119:97

Nogapäga fiyupa allimi yachachicuyniquicuna. Imay örapis chaytaga yarparaycämi.

Salmos 19:10

¡Diospa palabranga lijïtimu goripitapis mas allimi! ¡Abëjapa mishquinpitapis mas mishquejmi!

Salmos 19:11

Mandamintuyquicunaga yachachimanmi. Cumlejcunaga alli cawaytami tarenga.

Jeremías 15:16

Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Jeremías 6:11

Nogapis Tayta Dios rabyashanta willacunäpämi caycä. Chaytaga manami amuräcömanchu.» Chaymi Tayta Dios nimaran: «Rabyasha caycashätaga willay cällicho caycaj wamracunata, röpanpa puriycaj mösucunata. Runacunataga prësumi apacongapaj warmintawan-cama, auquincunatapis mana cuyapaypa.

Ezequiel 2:10

Chay maquiga ricapaycaptë rölluta pachgariran. Ishcan-läpami isquirbisha caycaran. Chay isquirbishaga caycaran: llaquicuypaj, nanächicur wagaypaj nishancunami.

Ezequiel 2:8

Runa, gamga noga niycashäta sumaj wiyamay. Ama caychu paycunano mana wiyacöga. Cananga äyay. Cay amupaycashäta micucurcuy» nir.

Ezequiel 3:4

Chaymi nimaran: «Runa, noga imata ninäpaj caycashätapis Israel runacunaman aywaycur gam willanqui.

Juan 7:38

Tayta Diospa palabrancho nishannöpis nogaman yäracamojcunapitaga quiquincunapitami cawachicoj mayu llojshenga.»

Colosenses 3:16

Tayta Jesucristupa yachachicuyninta imaypis ama gongaychu ari. Chaymi willapänacur, tantiyachinacur jucniqui-jucniquipis shacyächinacunqui Tayta Dios yachayta goshushayquino. Agradësicur Tayta Diosninchïta alabanqui salmucunawan, imnucunawan, cörucunawan.