Ezequiel 3:26 - Tayta Diosninchi Isquirbichishan

²⁶ Chayno, nogapis camacächishaj palagarniquiman galluyqui lagacäcunanpaj. Chaura manami rimanquipächu. Mana wiyacoj runacuna captinpis piñacunayquipaj manami rimayta pashtachinquipänachu.

Ezequiel 3:26 ပူးပေါင်းရင်းမြစ်များ

Salmos 137:6

Jerusalén, gamta manana mas yarpaptëga, gampaj manana mas cushicuptëga gallöpis palagarnëman lagacäcuchun.

Salmos 51:15

Tayta Dios yarpayta gomay ari gamta alabanäpaj.

Isaías 1:2

Janaj pacha, cay pacha Tayta Dios cayno nishanta wiyay: «Wamräcunatami rucuyänancama uywashcä. Rucuyarcurnaga chiquicarcamashana.

Jeremías 1:17

«Gam ichanga Jeremías, sumaj balurchay. Paycunaman ayway. Noga nishäta juctapis mana gongaypa willapanqui. Paycunataga imanillarpis ama manchacuychu. Paycunata manchacuptiquega nogapis paycunapa ñaupancho gamta mancharachïmanmi.

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 12:2

«Runa, gamga tiyaycanqui mana wiyacoj runacuna tiyaycashanchömi. Chay runacunaga ricaycarpis mana ricajnömi, wiyaycarpis mana wiyajnömi carcaycan. Chaynöga carcaycan mana wiyacoj runacuna cashpanmi.

Ezequiel 12:3

«Chaymi runa, gamga artita ruray. Guepiquita camaricuy juc-läman prësu apashuptiqui aywacuycajno aywacunayquipaj. Junajpa, llapan ricaycäshuptiqui, wasiquipita llojshir juc-läman aywacuy. Chayno ricashushpayquega capaschari tantiyacunman mana wiyacoj runacuna cashpanpis.

Ezequiel 24:27

Chay junajmi upa caycashayquipita shimiqui pashtangapaj. Chaura chay gueshpimojwan parlanquipaj. Chaynöpami gamga canquipaj llapan runacuna musyananpaj señal. Chayrämi paycuna musyanga noga Tayta Diosnin cashäta.»

Ezequiel 33:22

Chay runa chayamunan chacaymi Tayta Diosga munayninta nogaman chayachimuran. Tutannin chay runa chayamuptenga Tayta Dios camacächiran rimayta yapay pashtachinäpaj. Chaypitaga mananami shimë läbacarannachu.

Daniel 10:15

«Chay anjil chayno niycämaptin nogaga umpucashalla caycarä imatapis mana rimacuyllapa.

Oseas 4:17

Efraín runacunaga ïdulucunata aduraymanmi chayasha. ¡Mä chayno goyäcuchun ari!

Oseas 4:4

Tayta Dios nin: «Cüracuna, nogaga gamcunapa contrayquimi rimashaj. Manami juccunatachu jitapaycä.

Amós 5:10

Israelcuna gamcunaga dimanduta alli arriglaj cajta chiquinquimi. Rasun cajta rimaj testïgutaga manami rimanantapis munanquichu.