Ezequiel 3:17 - Tayta Diosninchi Isquirbichishan

¹⁷ «Runa, gamtaga churashcä Israelcunapa ricachacojnin canayquipämi. Imatapis gamta willapaptëga gamnami noga nishäta paycunata willapanquipaj. Chaynöpami paycunaga willapashana caycanga.

Ezequiel 3:17 ပူးပေါင်းရင်းမြစ်များ

2 Crónicas 19:10

Cay nasyuncho, siudäcunacho tiyajcuna imapitapis gamcunaman dimanduta capas churamunman runa wañushapita, man'chäga layta mana cumlishanpita, Tayta Dios nishancunata cumlinanpaj cajta mana cumlishanpita. Chaura gamcunaga willapanqui Tayta Dios mana munashantaga mana rurananpaj. Chaynöpami Tayta Diosga mana castigashunquipächu gamcunata ni paycunatapis. Chayno rurar manami gamcunachu juchayoj canquipaj.

Cantares 3:3

Siudäta täpaycaj runacunata tapucö «¿Manachu gamcuna ricashcanqui cuyaynëta?» nir.

Cantares 5:7

Chayno ashir puriycajtami tarimaran siudäta täpar tumaycaj runacunapis. Magamashpan rachiy-rachiylla ruramasha. Jacötapis firsapitami guechuramaran.

Isaías 21:6

Tayta Diosmi cayno nimasha: «Aywaycur juc ricachacoj runata churamuy, imatapis ricashantaga llapanta willacamunanpaj.

Isaías 21:8

Chaypitaga ricachacoj runana gayacuran: «Tayta, ricachacunäpaj caycashallächömi goyay-goyay caycä. Chacaycunapapis waray-waraymi ricachacuycä.

Isaías 52:8

¡Wiyay-llapa! Ricachacojniquicunaga sinchipami gaparpan. Llapanmi juc shimilla cushicuypita gaparpan. Chaynöga gaparpaycan Tayta Dios Sionman cutimojta quiquincuna ñawinpa ricashpanmi.

Isaías 56:10

Paycunata mandaycäga gaprayashami carcaycan. Manami imatapis musyanchu. Llapanpis paycunaga carcaycan mana wagyacoj allgunömi. Paycunaga goyay-goyaymi jitaräcun. Puñullarmi cacun.

Isaías 58:1

Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Isaías 62:6

Jerusalén, curalaraj pergayquicunamanmi ricachacojcunata churashcä. Paycunaga chacaypa junajpapis mana chawaypami nircaycanga: «Tayta Diosta sirbejcunaga ama upällacaycäriychu.

Jeremías 1:7

Chayno niptëpis Tayta Diosga nimaran: «Ama ‹wamrallarämi cä› niychu. Gamga maymanpis noga mandashämanmi aywanquipaj. Noga nishätami willacunquipäpis.

Jeremías 31:6

Juc junäga ricchacojcuna Efraín trïbu runacuna tiyashan jircacunapita gayacongapaj: ‹Llapayqui shamuy, Tayta Diosninchi Sioncho caycashanman aywanapaj› nir.»

Jeremías 6:10

Chaura noga nirä: «¿Pitaraj nishaj? ¿Pitaraj willapäshaj? ¿Piraj wiyamanga? Paycunaga imatapis mana wiyananpaj rinrincuna chapashami caycan. Tayta Diospa palabranpaj paycunaga asicunmi. Paycunaga manami wiyaytapis munanchu.

Jeremías 6:17

Ricchacojcunata churarcur nogaga runacunata willashcä: ‹Ricchacojcuna trompëtata tucamushanta wiyaj-wiyajlla carcaycay› nir. Ichanga runacuna nisha: ‹Manami wiyayta munäcunachu› nir.

Ezequiel 11:25

Noganami Tayta Dios musyachimashanta willaparä prësu iwal aywashäcuna chaycho caycajcunata.

Ezequiel 11:4

Runa, paycuna chayno cashanpita noga nishäta willanqui.»

Ezequiel 2:7

Gamga willapay noga nishäcunata. Wiyashpanga capaschari tantiyacunmanpis u manapis. Paycunaga carcaycan pasaypa mana wiyacoj runacunami.

Habacuc 2:1

Ricachacunan cajcho imanömi ricachacoj caycan, chaynömi mayaj mayajlla caycäshaj. Tayta Dios imata nimänantapis shuyaraycäshaj. Shuyaraycäshaj llaquicur mañacushäpita imata willamänanpäpis.

Hageo 1:13

Chaura Tayta Diospa profëtan Hageoga cayno willaparan: «Tayta Diosga nin: ‹Noga Tayta Diosmi në: Nogaga gamcunawanmi caycä.› »

Mateo 3:7

Juan bautisaycashan cajman achcaj fariseucunawan saduceocuna aywaran. Chaymi Juan niran: «¡Culebra casta runacuna! ¿Pitaj gamcunata willasha-cashunqui Tayta Diospa castïgunpita gueshpinayquipaj cashanta?

1 Corintios 12:28

Tayta Diosninchi camacächisha yäracojcunacho rimëruga apostulcuna cananpaj, chaypita profëtacuna cananpaj, nircur yachachicojcuna cananpaj. Waquintana churasha milagrucunata rurananpaj, waquintana gueshyajcunata allchacächinanpaj, waquintana pobricunata yanapänanpaj, waquintana tantiyachicoj cananpaj, waquintana mana yachashan rimaycunata rimananpaj.

1 Corintios 4:14

Cayno gamcunata niycä manami pengayman churanäpächu, chaypa ruquenga wamrätano piñacurmi. Gamcunaga cuyay wamränömi caycanqui.

2 Corintios 5:11

Taytanchi Jesucristo jusgamänanchïpaj cashanta musyarmi payta manchacur willacuyninta runacunata imanöpapis nogacuna willapaycä. Chayno willacuycashätaga Tayta Dios musyanmi. Chaytaga gamcunapis musyanquiman.

2 Corintios 5:20

Chaymi nogacunaga Jesucristupa cachan caycä. Cachan carmi quiquin Tayta Dios ruwacuycajno pï-maytapis ruwacö Tayta Dioswan amistananpaj.

Colosenses 1:28

Nogacunaga Jesucristupita willacurmi llapan runacunata sumaj tantiyachir willapaycä. Sumaj yachaycächë Jesucristuta chasquicojcuna Tayta Dios munashanno cawananpaj.

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

Hebreos 13:17

Ermänucuna, Tayta Diospa palabranta willapäshoj mayur ermänucunata wiyacuy. Tayta Diosta cuentata gonanpaj cashanta musyarmi paycunaga gamcunapaj waran-waran yarpachacuycan sumaj ricashunayquipaj. Chayno caycaptenga cushishalla yachachishunayquipaj imachöpis yanapay. Chapata ruraptiquega willapäshushayquipis yangallapämi canga.