Ezequiel 27:12 - Tayta Diosninchi Isquirbichishan

¹² Gampaga ima-aycayquipis fiyupa aypallami caran. Chaymi Tarsispita shamojcunapis gampita rantej. Imatapis goshayquipitana paycuna pägashoj-cashunqui guellayta, fyërruta, estañota, plömuta.

Ezequiel 27:12 ပူးပေါင်းရင်းမြစ်များ

Génesis 10:4

Javanpa wamrancuna caran: Elisa, Tarsis, Quitim, Rodanim.

1 Reyes 10:22

Raypa Tarsis büquincuna cada quimsa watacho juc cutillami chayamoj Hirampa büquincunawan iwal. Apamoj gorita, guellayta, marfilta, mönucunata, päbu riyalcunatapis.

1 Reyes 22:48

Josafatga Tarsis büquicunatapis rurachiran Ofirpita lamar jananpa gorita apamunanpaj. Ichanga aywashpan büquincuna mana chayaranchu. Ezión-gebercho paquir-ushacaran.

2 Crónicas 9:21

Raypa büquincunataga Tarsisman apaj Hiram mandashan runacuna. Chay büquicunaga cada quimsa watacho juc cutilla chayamoj. Apamoj gorita, guellayta, marfilta, mönucunata, päbu riyalcunata.

Salmos 72:10

¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun! ¡Garaynincunata goycuchun Sabächo caycaj raycuna, Sebacho caycaj raycuna!

Isaías 2:16

Tarsispita shamoj büquicunata, cuyayllapaj büquicunatapis Tayta Diosga illgächengami.

Isaías 23:10

Tarsis runacuna cananga Nilo mayu chayar mashtacashanno juc-läman juc-läman mashtacäcuy. Lamar cantuncho büquicuna jamanan manami cannachu.

Isaías 23:14

Lamar cantunman büqui chayanan illgasha captinmi büquita manijaj Tarsis runacunaga llaquisha carcaycan.

Isaías 23:6

Lamar cantuncho tiyaj runacuna, Tarsisman aywacuy-llapa; fiyupa wagay-llapa.

Isaías 60:9

Chaycunaga shuntacasha aywarcaycämoj büquicunami. Ñaupa puntantanami Tarsis büquicuna aywaycämun. Chay büquicunaga wamrayquicunatami gorintawan guellaynintawan-cama fiyupa carupita apaycämun. Paycunaga aywaycämun Jerusalencho fiyupa almiraypajcunata rurashäpita aduramänanpämi. Nogaga Israelcunapa Santo Tayta Diosninmi caycä.

Jeremías 10:9

Paycunapa ïduluncunaga caycan Tarsispita apamushan guellaywan chapyashallami, Ufazpita apamushan goriwan chapyashallami. Chay ïdulucunataga llagllay yachajcunallami, ruray yachajcunallami rurasha. Murädupitawan puca tëlapita jirasha röpacunata jatiraycan. Chay ïdulucunaga llapanpis caycan yachaj runa rurashallanmi.

Ezequiel 27:11

« ‹Arvad runacunawan suldäruyquicunami curral pergayqui jananpaga intëru tumarejcho carcaycaran. Ricchacuna törricunachöna caycaran Gamad runacuna. Paycunapa chapacuna escüduncunana curral pergayquicunacho intëru tumarej waguiraycaran. Chaycunawanmi sumaj camarächishoj-cashunqui.

Ezequiel 27:13

Chayno, Greciapita, Tubalpita, Mesecpita shamojcunapis gampitami rantej. Paycunaga pägashoj-cashunqui rantisha runacunata, runsipita caj cösacunata.

Ezequiel 27:16

Ima-aycayquipis ranticunayquipaj aypalla captinmi Edom runacunapis gampita rantej. Gam goshayquipa ruquin apapämushoj-cashunqui achicyaj granate rumicunata, muräduman tiñisha tëlacunata, burdasha tëlacunata, lïnu tëlacunata, cuestaj coral y rubí rumicunatapis.

Ezequiel 27:18

Damasco runacunanami rantishoj-cashunqui micuycunata, ima-aycata charashayquicunatapis. Paycuna pägashoj-cashunqui Helbonpita apamushan bïnuta, Saharpita apamushan yuraj millwacunata.

Ezequiel 27:33

Lamar cantun nasyuncunapita imatapis chayachimuptin achca nasyuncho tiyajcunapämi aypächej-canqui. Ima-aycayqui, micuyniquicunapis aypalla captinmi cay pachacho caj raycunataga rïcuyächej-canqui.

Ezequiel 28:16

Achca nigusyuta arurmi mana alli ruraycunallaman, jucha rurayllamanna ticrashcanqui. Chaypitami ñaupäpita gargushcä; «Diospa jircan» nishayquicunapitapis jitarishcä. Querubín anjil täpaycäshojmi achicyaycachaycaj rumicunapa ñaupancho puriycajta jorgushurayqui.

Ezequiel 28:5

Nigusyanti canayquipaj sumaj yachaj cashpayquimi rïcuyänayquicama ima-aycayquitapis mirachishcanqui. Ima-aycayquipis aypalla captinmi pasaypa alli-tucuycanqui.

Ezequiel 38:13

Sabá, Dedán runacuna, Tarsis nigusyanticuna, waquin nasyun nigusyanticunapis tapushunquipaj: «¿Gamcuna suwacojchu shamushcanqui? ¿Suldäruyquicunatapis shuntashcanqui ima-aycantapis guechunayquipächu? ¿Guellayta, gorita, uywacunata, waquin ima-aycantapis aypallanpa apacunayquipächu shamushcanqui?» ›

Jonás 1:3

Ichanga Tayta Dios mandashanta rurayta mana munar Jonasga gueshpir aywacuran lamar cantuncho caycaj Jope siudäman. Chaychöna juc büquita tariran Tarsis siudäman llojshinanpaj caycajta. Chaura chayman aywacunanpaj pasäjinta pägaran. Nircur Tarsismanna büquiwan aywacuran.

Apocalipsis 18:12

Chay nigusyanticunaga ranticunanpaj apaj gorita, guellayta, cuyayllapaj rumicunatapis, lïnupita tëlata, sëdapita tëlata, puca chicnu tëlata, cuestaj guerupita tucuy-niraj tablacunata, cuyayllapaj marfilpita, runsipita, fyërrupita, marmolpita rurasha cajcunata,