Ezequiel 26:17 - Tayta Diosninchi Isquirbichishan

¹⁷ Chaymi wañushapaj cantanata cantapäshunquipaj. Caynömi nenga: « ‹¡Achachau! Imanöparaj chaynöga ruracashcanqui. Pï-maypitapis rejsisha caycaj siudä, lamar cantunpita illgashcanquimi. Gamga fiyupa munayniyojmi carayqui. Bisïnuyqui nasyuncunacho tiyajcunataga llapantami mancharachej-canqui.

Ezequiel 26:17 ပူးပေါင်းရင်းမြစ်များ

2 Samuel 1:19

«¡Ay Israel, jircayquicunachömi alli caycajta ima-aycayquicunatapis illgächisha! ¡Fiyupami binsiycusha pillyay yachajcunataga!

Isaías 14:12

«Pacha waray yagamoj Waraj imanöshi syëlupita shicwamushcanqui. Gamga achca nasyuncunatami binsirayqui. Cananga quiquiquitanami pampaman sajtashurayqui.

Isaías 23:4

Lamar cantuncho caycaj Sidón fiyupa pengacuy ari. Tiro manana captinmi lamarga llaquicur nenga: «Ollgu wamracunata mana uywashanömi caycä. Warmi wamracunatapis mana uywashanömi caycä. Nanayta mana musyaj, mana gueshyacushanönami caycä.»

Isaías 23:8

Nircur chaychöga raytana churaj. Chay siudäpa nigusyantincunaga rispitädu runacunallami caran. Chaymi llapanpis rispitashpan tiyachej. ¿Pitaj nisha Tiro chayno castigacänanpäga?

Jeremías 48:39

¡Moab nasyunpaj llaquicuy-llapa! ¡Fiyupa manchariypämi caycan! ¡Pengacurmi ticracurcusha! Moab runacunaga ñaupancho tiyajcunapaj caycan fiyupa melanaypämi, pasaypa manacajmi.»

Jeremías 50:23

¡Cumbanöpis intëru nasyunta magaj Babilonia nasyun cananga paquicäcushami! ¡Babilonia chayno ruracäcuptin intëru nasyun runacunami fiyupa manchariycan!

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Jeremías 7:29

Jerusalén, gamcunapäga Tayta Dios fiyupa rabyashami caycan. Cachaycushurayquinami. Manami ricaytapis munashunquinachu. Chaymi ajchayquita ruturir jitariy. Chunyaj jirca lömacunacho llaquicuypajcunata cantay.› »

Jeremías 9:20

Tayta Dios nishanta sumaj wiyay warmicuna. Pay imata willapäshushayquitapis sumaj yarpay. Wamrayquicunata yachachiy wagayta. Warmi-masiquicunatapis yachachiy cayno llaquicunanpaj:

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Ezequiel 19:1

«Israelpa raynincunapaj gamga wañupacuycho cantanata cantay. Cayno cantay:

Ezequiel 19:14

Rämancunapitana nina ratataycaj llojshiycan. Chay ninanami rupaycan chillguipancunatawan, wayuynintaga. Raypa bäranpäno sinchi rämancunaga manami cannachu. «Cayga caycan wañupacuycho cantanami. Chaymi llapan cumliptenga cay cantanata cantangapaj.»

Ezequiel 32:16

«Cay cantanaga caycan runa wañuycho fiyupa llaquicuypaj cantanami. Chaynömi juc-lä nasyun warmicuna Egiptupaj cantanga chaycho aypalla wañoj runacunapaj wagashpan. Noga Tayta Diosmi chayno në.»

Ezequiel 32:2

«Runa, Egiptupa raynin faraonta cantapay wañushapaj llaquicur cantanata. Cayno niy: «Gamga nasyuncunapa liyunninnömi caycanqui. Lamarcho caycaj waräcuynömi caycanqui. Mayuyquicho yacutapis bätinqui. Chaquiquicunawan yacuta cuyuycächinqui. Yacu aywajtana putcaycächinqui.

Ezequiel 32:23

Pacha rurinchöga mas rurichömi pamparpaycan. Suldäruncuna cawashan wichanga runacunata fiyupami mancharachiran. Chaypis guërrachömi wañusha. Canan Asiriacunaga pamparashan uchcutami tumaparaycan.

Ezequiel 32:27

Paycunaga manami unay jinyu pillyajcuna pamparashanchöchu pamparaycan. Jinyu pillyajcunaga armantinmi pampacuranpis. Jawananmanmi churaparan sablincunata. Chapacuna escüduncunatapis jananmanmi churaparan. Paycuna cawashan wichanga jinyu cashpanmi runacunata mancharachej.

Joel 1:18

Imanöshi wäcacunapis gaparpaycan. Wäcacuna guewata ashirpis manami tarinchu. Uyshacunapis yargaywanmi wañurcaycan.

Abdías 1:5

«Suwacuna suwapäshunayquipaj chacaypa shamushpan imayquitapis ushajpäga manami apacunmanchu. Übasta pallajcuna gam cajman shamushpan juc ishcay sartataga cachaycunmanrämi. Gamcunatami ichanga contrayquicuna ushajpaj illgächishunquipaj.

Miqueas 2:4

Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

Josué 19:29

Chaypita tumar lindan Ramäpa päsaraycaran Tiro siudäcama. Tiroga intërunpa curalashami caran. Chaypitaga chayaycaran Hosaman. Chaypa päsar chayaraycaran Mediterráneo lamarman. Aser trïbu runacunapa siudänincuna caycaran Mahaleb, Aczib,