Ezequiel 22:20 - Tayta Diosninchi Isquirbichishan

²⁰ Imanömi guellayta, cubrita, fyërruta, plömuta, estañota tallushata chulluchicunaman wiñanchi, nircur ninata waycunchi chulluchinanpaj, chaynömi nogapis fiyupa rabyashpä gamcunata shuntaycur juc pachacho chulluchishayqui.

Ezequiel 22:20 ပူးပေါင်းရင်းမြစ်များ

Isaías 1:25

Yapaymi castigashayqui. Gamcunacho ganra caycajtapis lijyawan mayllajnömi limyuyächishayqui. Ganrayquitami jorgushaj.

Isaías 54:16

«Nogami camacächishcä jirrëru cananpaj. Chay runami ninata shanshachin fyërruta wayllachinanpaj. Nircorga fyërrupita ruran tucuy-niraj pillyanacunata. Chay jirrërutanömi ima-aycatapis illgächej runacunatapis camashcä ima-aycatapis pasaypa ushaycunanpaj.

Jeremías 4:20

Yapay-yapaymi mana allicuna chayaycämun. Nasyuncunapis llapanmi ushacashana. Pachacunäpaj ichichishä toldöcunatapis illajpitami illgarachisha.

Jeremías 8:13

Übas chacrapitaga übasta pallämanmi. Ïgus chacrapitapis ïgusta pallämanmi. Gamcunapitami ichanga imatapis mana chasquishcächu. Chaquisha öjacunanöllami carcaycanqui. Chaypitami llapan tarichishäcunatapis guechuchishayqui. Noga Tayta Diosmi chayno në.›

Ezequiel 22:19

Chaymi noga Tayta Dios në: Gamcunaga llapaniqui ticrashcanqui chulluchishanpa ganran imapäpis mana bälejnöna. Chaypitami Jerusalén chaupinman shuntashayqui.

Ezequiel 22:21

Gamcunata siudäpa chaupinman shuntaycushpämi fiyupa rabyashpä chulluchishayqui.

Ezequiel 22:31

Chaynöpami rabyasha caycashäta paycunacho päsachishcä. Nircorga usharishcä rabyashä ninanöraj caycajwan. Paycuna jucta imanöpis rurashanpita quiquincunaman ticrachishcä. Noga Tayta Diosmi chayno në.»

Ezequiel 24:13

«Jerusalén, nogaga chaynömi mana pengacuypa pï-maywanpis cacur ganracushayquipita limyuyächiyta munashcä. Chayno ruraptëpis manami limyuyashcanquichu. Limyuyanquipäga rabyasha caycashäta gamcho pascacächiptërämi.

Ezequiel 36:18

Chaymi runacunata wañuchishanpita, ïdulucunata adurar chay nasyunta ganrachishanpita rabyawan paycunata castigarä.

Oseas 8:10

Chayno pägar alli parlacusha caycaptinpis castiganäpaj may-chaypitapis cutichimushämi. Chaymi munayniyoj raypa maquincho ñacar goyanga.