Ezequiel 22:16 - Tayta Diosninchi Isquirbichishan

¹⁶ Waquin nasyuncunapa ricay-ñawincho gamcunataga pasaypa manacajmanmi churashayquipaj. Chayrämi gamcuna musyanquipaj noga Tayta Diosniqui cashäta.› »

Ezequiel 22:16 ပူးပေါင်းရင်းမြစ်များ

1 Reyes 20:13

Paycuna chayno caycashancama juc profëta chayaran Israelpa raynin Acab cajman. Chayaycur niran: «Tayta Diosga nin: ‹Chiquishojcunata aypallata ricaptiquipis, cananmi munayniquiman churamushaj Noga Tayta Dios cashäta musyanayquipaj.› »

1 Reyes 20:28

Chayno carcaycaptinmi Israelpa rayninmanga Diospa profëtan chayaran. Paymi niran: «Tayta Diosmi nin: ‹Siria runacuna nimasha puntacunallapa diosnin cashäta, guechwa ragracunapa diosnenga mana cashäta. Chayno Nogapaj nishanpitami cananga munayniquiman cachaycö chay aypalla runacunata binsinayquipaj. Chaynöpami musyanquipaj noga rasunpa Tayta Dios cashäta.› »

Salmos 83:18

Llapan musyachun gam japallayqui Tayta Dios cashayquita. Tantiyacuchun gamlla janaj pachacho cay pachachöpis Tayta Dios cashayquita.

Salmos 9:16

Tayta Dios gamga musyachimashcanqui allita ruraj cashayquitami. Fiyucunaga watacäcusha quiquincuna churashan togllachömi. Selah

Salmos 9:17

Fiyucunawan Tayta Diosta mana rispitajcunaga wañojcuna cashanmanmi chayanga.

Éxodo 8:22

«Intëru Egiptucho upucruy juntasha captinpis acrashä runacuna tiyaycashan Gosén partichöga manami chaynöchu canga. Chaynöpami musyanga Egipto runacunata noga Tayta Dios castigaycashäta.

Isaías 37:20

Tayta Diosnë, cananga Asiriapa munaynincho canäpita salbaycamay ari. Chaynöpami cay pachacho caj runacunaga llapan musyanga gam japallayqui rasunpa Tayta Dios cashayquita.»

Isaías 43:28

Mandashojniquicunapis Templöta ganrachisha. Chaynöpami camacächishcä Jacobpita mirar-aywaj Israelcunata ushacächinanpaj, manacajman churananpaj.

Isaías 47:6

Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Ezequiel 22:17

Tayta Dios yapay nimaran:

Ezequiel 25:3

Noga Tayta Dios paycunapaj cayno nishäta parlay: ‹Templöta ganrachiptin, Israel pasaypa ushacasha caycaptin, Judá runacuna prësu aywaptin gamcunaga fiyupa cushicuypita «benëchu» nirayqui.

Ezequiel 39:28

Nogami nasyunninman yapay cutichishaj. Juc-lä nasyuncunaman prësu aywajcunataga manami jucnayllatapis chaycho cachaycushäpächu. Chayrämi musyangapaj noga Tayta Diosnin cashäta.

Ezequiel 6:7

Chaychica runami wañonga. Chayrämi tantiyacunquipaj noga rasunpa Tayta Dios cashäta.

Ezequiel 7:24

Nogami camacächishaj fiyu runacuna chayaycamur siudächo tiyajcunapa wasincunata guechurgärinanpaj. Chaynöpami munayniyoj Israelcunapis manana alli-tuconganachu. Nogami camacächishaj rispitädu capillancunapis manacajman churasha cananpaj.

Daniel 4:25

Tayta ray, gamga runacunapita gargushami canquipaj. Animalcunawan iwalna tiyanquipaj. Wäcacunanömi guewata micunquipaj. Shullaypis ushmashunquipaj. Gamga chaynölla tiyanquipaj ganchis watacama. Janaj pachacho caycaj Tayta Dios llapan runacunapaj munayniyoj cashanta, pay pitapis munashan cajta mandaj cananpaj churashanta reconösinayquicamami chaynölla canquipaj.