Ezequiel 18:7 - Tayta Diosninchi Isquirbichishan

⁷ Manami pitapis ñacachinchu. Manami charicurcunchu jagancuna rindata churashantapis. Manami pitapis suwapanchu. Manami ‹mana canchu› ninchu muchupacajcunatapis. Manami ‹mana canchu› ninchu röpaynajcunatapis.

Ezequiel 18:7 ပူးပေါင်းရင်းမြစ်များ

Nehemías 5:10

Nogapis, yanapämajcunapis, famillyäcunapis gam mayurcunanömi rïguta guellaytapis ristashcä. ¡Chaymi cananga chay jagataga llapanta gongaycärishun! ¡Amana cobrashunnachu!

Job 22:6

«Gamga imatapis mana nistaycashpayquimi marca-masiquita ‹rindataraj churay› nej canqui. Röpancunatapis ‹rinda quëdachun› nir galallata gargurej canqui.

Job 24:3

Wacchapa bürruntapis guechun. Biyüdapa buyintapis rinda charicurcun.

Job 24:9

«Fiyucunaga pobricunapa chuchuycaj wamrancunatapis guechun. Chay guechushantana rinda chararan.

Salmos 112:4

Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

Salmos 112:9

Pobricunata yanaparga achca achcami imatapis goycun. Pï-maypäpis allimi canga. Pï-maypitapis rispitashami goyanga.

Salmos 41:1

Cushishami cawanga pobricunatawan wacchacunata yarpäga. Chay runataga ima disigrasya chayaptinpis Tayta Dios salbangami.

Éxodo 22:25

«Israel-masiqui pishëpacojta guellayniquita ristaycorga ama cobranquichu wawantapis guellay ristacoj cobrashannöga.

Éxodo 22:26

Guellayniquipaj punchunta rinda churaycuptenga tardi pacha chacaptin cutiycachinquina.

Éxodo 23:9

«Juc-lä runacunata ama ñacachinquichu. Gamcunapis Egiptuchöga juc-lä runa cashpayqui ñacarayquimi. Chaymi imano ñacay cashantapis musyaycarga juc-lä runata cuyapanqui.

Proverbios 14:31

Pobricunata ñacachejcunaga camaj Tayta Diostami rabyachin. Pobricunata cuyapajcunami ichanga Tayta Diosta rispitan.

Proverbios 28:27

Pobricunata yanapajtaga manami imapis pishengachu. Mana yanapajcunatami ichanga ñacajcuna maldisyunta gonga.

Proverbios 28:8

Guellayninpa wawanta achcata cobraycällar rïcuyäga pobricunata yanapaj runacunallapämi shuntan.

Proverbios 3:31

Fiyu runa rurashantano ruraytaga ama munapanquichu. Mana allita rurashancunatanöga ama ruranquichu.

Isaías 1:17

Allillatana rurayta yachacuy ari. Rasun cajllatana ruranayquipaj sumaj yarpachacuy ari. Ñacaycajcunata yanapay. Alli cajta rurashpayqui wacchacunata alli arriglay. Biyüdacunatapis yanapay.»

Isaías 33:15

Alliga cawanga alli cajllata ruraj cajmi, rasun cajllata parlaj cajmi, rïcuyänanpaj firsapita pipa imantapis mana guechoj cajmi, faburnin cananpaj pacayllapa pägaptinpis mana chasquej cajmi, wañuchinanpaj shimita goptinpis mana chasquej cajmi, mana allita ruraycajta mana ricananpaj witicoj cajmi.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Jeremías 22:3

Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.

Ezequiel 16:49

Ñañayqui Sodomapa juchanga caynömi casha: Quiquinpis caseryuncunapis fiyupa alli-tucuran. Aypalla micuynin captinmi imapitapis mana yarpachacuypa goyaran. Ichanga manami imaypis yanapashachu pobrita ni pishïpacojcunatapis.

Ezequiel 18:12

Capaschari wacchacunatawan pobricunata ñacachinman. Capaschari waquin cajcunata suwapanman. Capaschari pipis jagan car rinda churashantapis duyñu-tucurcunman. Capaschari mana dios caycaptin Israelcuna ‹diosnë› nishanman yäracunman. Capaschari noga fiyupa melanäcushäta ruranman.

Ezequiel 18:16

Capaschari pitapis mana ñacachinmanchu. Capaschari imata mañacuptinpis rindataga mana charinmanchu. Capaschari pitapis mana suwapanmanchu. Capaschari micuyniynajcunata garanman. Capaschari röpaynaj caycajtana röpata goycunman.

Ezequiel 18:18

Papäninmi ichanga pitapis ñacachej cashanpita, suwacushanpita, marca-masincunacho mana allita rurashanpita, quiquinpa juchanpita wañonga.

Ezequiel 33:15

Rindata charaycashancunata, suwacushancunata capas cutiycachinman. Nircur cumlinman alli cawayman chayachicoj laycuna imanöpis nishanta. Capas manana ruranmannachu mana allitaga. Chauraga rasunpami cawanga. Manami wañongachu.

Ezequiel 7:23

«Nasyun intërucho wañuchinacuyllanami caycan. Siudächo tiyajcunaga intëruchömi mana allillatana rurarcaycan. Chaymi paycunapaj cadinata camariy.

Daniel 4:27

Chaymi tayta ray, gamga ruray noga nishänölla. Amana mastaga juchata ruraynachu. Amana mana allicunata ruraynachu. Chaypa ruquenga pobricunatana yanapay. Chayno allillata rurarga capaschari canan goyaycashayquinölla goyanquiman.»

Levítico 19:13

«Runa-masiquita ama engañanquichu. Imantapis ama guechunquichu. Piyun arupäshojtapis pägunta warannincamaga ama shuyarächinquichu.

Levítico 19:15

«Autoridä car derëchu canqui. Pobritapis juchanpitaga ama chapanquichu. Ni rïcucunatapis juchanpitaga ama chapanquichu. Autoridä carga alli arriglanqui.

Levítico 25:14

Chayno caycaptenga pipis chacrata rantir, ni ranticurpis runa-masiquita ama engañanquichu.

Amós 2:6

Tayta Diosga caynömi nin: «Israel nasyun runacunaga aypallatanami mana allita rurasha. Chaypitami castigänillataga mana cachaycushächu. Paycunaga juchaynaj alli runacunatami uyway cananpaj ranticun. Pobricunatanami ishcay llanguillawan rucan.

Amós 2:8

Israelcunaga rindata chararashan röpacunata mashtaycärirmi wegurpan ïdulucunapa ñaupancho rispitar micunanpaj. Multata pägachishan guellaywanmi bïnuta rantin. Nircurmi chayta upyan ‹diosnë› nishancunapa templuncunacho.

Amós 3:10

«Paycunaga alli cajta rurayta manami yachanchu. Guechushancunallatami palasyuncunachöpis chararaycan.»

Amós 6:3

Gamcunaga fiyupa ñacay junaj chayamunanpaj caycajta manami yarpayllapis yarpanquichu. Chaypis mana allita rurar masmi gayaycanqui chay ñacay junajta.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Miqueas 3:2

Chaypa ruquin gamcunaga alli cajta chiquiycanqui. Mana alli cajtana cuyaycanqui. Runacunataga pasaypanami garapachaycanqui. Chayno garapacharmi tullullantana cachaycunqui.

Sofonías 1:9

Castigashäpaj juchasapa runacunapa custumrintano rurajcunata, wañurcachir, llullacur suwapaypa ima aycatapis mandajninpa wasinman shuntajcunata.»

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Lucas 3:11

Chayno tapuptinmi Juan niran: «Ishcay rucaj röpayqui captin jucaj rucajta goycuy röpaynaj cajta. Micuyniyoj carga raquipaycuy micuyniynaj cajta.»

Deuteronomio 24:17

«Jäpa runa captinpis pobri captinpis llapan runacunata sumaj arriglanqui. Biyüdacunapa röpantapis ama rinda charicurcunquichu.