Ezequiel 18:23 - Tayta Diosninchi Isquirbichishan

²³ Nogaga manami munächu mana allita ruraj wañunantapis. Chaypa ruquenga munä allitana rurananta, chaynöpana cawananta. Noga Tayta Diosmi chayno në.

Ezequiel 18:23 ပူးပေါင်းရင်းမြစ်များ

2 Samuel 14:14

Llapanchïpis wañushunpämi. Pampaman yacuta jicharerga manami shuntanchïnachu. Tayta Diosmi ichanga pitapis mana wañuchinchu. Chaypa ruquenga imanöpapis camacächin gargushacuna ñaupanman cutinanpaj.

Job 37:23

Munayniyoj Tayta Dios rurashanta manami tantiyanchïchu. Payga caycan fiyupa callpayoj, alli arregluta rurajmi. Payga llapanta cumlej, pitapis mana ñacachejmi.

Salmos 147:11

Chaypa ruquin Tayta Diosga cushicun payta rispitaptinmi, pay cuyacoj cashanman yäracuptinmi.

Jeremías 31:20

Israelcuna, gamcunaga acrashä runacunami canqui. Gamcunataga fiyupami cuyä. Fiyupa piñacurpis simrimi gamcunataga llaquiraycä. Shongöpis nanayparämi nanaycan. Gamcunataga fiyupami cuyapä. Noga Tayta Diosmi chayno në.

Lamentaciones 3:33

Rasunpaga pay manami munanchu runacunata ñacachiyta, ni nanächiytapis.

Ezequiel 18:32

Nogaga manami munächu pipis wañunanta. Mana allita ruraycashayquipita arpinticuy cawanayquipaj. Noga Tayta Diosmi chayno në.

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Miqueas 7:18

«Gamnöga manami juc Dios canchu. Gamga perdunanquimi mana allita rurajtapis. Chaynöpis gonganquimi nogacuna wallcalla quëdaj acrashayqui runacuna juchata rurashäta. Imaycamapis manami rabyashallaga cacunquichu. Gamga nogacunata cuyamashayquita musyachimanquimi.

Lucas 15:10

Chaynömi Tayta Diospa anjilnincunapis cushicun juc runallapis arpinticur jucha ruraynincunata cacharir Tayta Dios munashannöna cawaptenga.»

Lucas 15:32

Imano captinpis shullcayqui yurimuyninta cushicur fistata ruranä camacashami. Payga wañushanpita cawarimushannömi caycan. Illgashanpitami yurimusha› nir.»

1 Timoteo 2:4

Payga munan llapan runacuna alli willacuyninta chasquicur salbacunantami.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

2 Pedro 3:9

Chayno caycaptenga ama yarpäshunchu: «Jesucristoga ¿imanirtaj mana cutimunchu?» nir. Tayta Jesucristoga shuyaraycan llapan runa arpinticunantami. Payga manami munanchu pipis juchallancho wañunanta.