Ezequiel 17:14 - Tayta Diosninchi Isquirbichishan

¹⁴ Chaynöpami Judá nasyonga Babiloniapa munayninchöna ricacuran. Contran jatariyta munarpis manana camäpacurannachu. Chaura rayga parlacushannölla cumlinanpaj caycaran.

Ezequiel 17:14 ပူးပေါင်းရင်းမြစ်များ

Jeremías 38:17

Chaura Jeremiasga Sedequiasta niran: «Israelcunapa munayniyoj Tayta Diosnin nin: Babiloniapa rayninpa mandaj suldäruncunaman juclla guellicushpayquega llapan famillyayquiwanmi cawanquipaj. Chauraga cay siudätapis manami rupachengapächu.

Lamentaciones 5:10

Cuerpöpis jurnunörämi rupariycan. Yargaywan caycällarnami rupaycä.

Ezequiel 17:6

Chay muru wiñamushpan ticracuriran rämasapa lantaman. Mana ata carpis rämancunaga wiñar macyaraycaran anca caycashan cajman. Sapincunapis mas ruriman sapichaycaran. Chay lantaga chillguir fiyupami rämasapayaran.

Ezequiel 29:14

Prësu aywaj Egipto runacuna cutimunanpaj camacächiptë Egipto nasyunchöga tiyacaycärenga Patros partichömi. Chaychömi yuriranpis. Chaycho yapay mirarmi nasyunyanga. Ichanga manacaj nasyunllana canga.

Ezequiel 29:15

Llapan nasyuncunapita mas wallca munayniyojllanami canga. Imaypis mananami waquin nasyuncunapita mas munayniyöga cangapänachu. Munayniynaj cashpanmi maygan nasyuntapis manana mandanganachu.

Deuteronomio 28:43

Nasyunniquicho tiyaj juc-lä nasyun runacunaga munayniyojmi ricaconga. Gamcunami ichanga waranllanta-waranllanta munayniynajna canquipaj.

1 Samuel 2:30

«Ñaupataga famillyayquicunata Tayta Diosninchi niran ‹Gammi, gampita mirajcunami imaypis sirbimanquipaj›. Cananga Tayta Dios yapay nin: ‹Cananpitaga manami jucha rurajcunata awantashächu. Chaypa ruquenga nogata rispitamaj cajtami yanapäshaj. Manacajman churamajcunatanami pengayman churashaj. Quiquëmi niycä.

1 Samuel 2:7

Tayta Diosmi pobriyächimanchi rïcuyächimanchïpis. Paymi tarichimanchi, paymi guechumanchi.