Ezequiel 16:7 - Tayta Diosninchi Isquirbichishan

⁷ Jircacho jacha wiñajno wiñay» nirä. Chaura nishänömi wiñar jatunyarayqui, niycällarna jipashyarayqui. Chuchuyquicuna wiñamusha, shaprayquipis wiñasha. Ichanga röpaynaj galalla caycarayqui.

Ezequiel 16:7 ပူးပေါင်းရင်းမြစ်များ

Génesis 22:17

Sumajmi bindisyunta goshayqui. Gampita miräga cangapaj aypalla agushnömi, goyllarcunanömi. Paycunaga chiquejcunata llapantami binsengapaj.

Job 1:21

Chaymi niran: «Cay pachachöga yurishcä jina röpaynajllami. Chaynöllami cay pachapitapis aywacushaj. Tayta Diosmi llapantapis tarichimaran. Paymi llapantapis guechumasha. ¡Tayta Diosga fiyupa alabasha cachun!»

Salmos 135:4

Paymi Jacobpita miraj Israelcunata acraran. Quiquinpa shuyni cuyaynin cananpämi acraran.

Salmos 147:20

Waquin nasyuncunataga manami chayno rurashachu. Waquin nasyun runacunaga Tayta Diospa laynincunata manami imaypis musyashachu. ¡Aleluya! ¡Tayta Diosga alabasha cachun!

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Éxodo 1:7

Ichanga Israelcuna fiyupa aypallamanna miraran. Paycunaga chay partipa intëruchöna aypacasha caycaran. Chaymi manchariypäna caran.

Éxodo 12:37

Israelcunaga Ramsés siudäpita aywacuran Sucot-läman. Ollgu runacunalla caran sojta pachac warangano (600,000) warmicunata wamracunata mana yupayllapa.

Éxodo 3:22

Israel warmicunaga bisïnan Egipto warmicunata, bisïnanpa wasincho tiyaycaj warmicunata ‹Goycamay› nenga goripita, guellaypita rurashacunata. Chayno röpacunatapis ‹Goycamay› nenga wamrancunata warmita ollgutapis jatipänanpaj. Chaynöpami gamcunaga Egiptucunapa ima-aycantapis apacunquipaj.»

Cantares 4:5

Ishcan chuchuyquicunaga caycan millish lluychucuna liryu waytacunapa chaupincho micuycajnöraj.

Cantares 8:10

Nogaga curral perganömi caycä. Chuchöcunapis ricchacuna törricunanömi caycan. Cuyaynëpa ñaupancho cashpäga alli goyaychönami caycä.

Cantares 8:8

Pañinchïpaga manarämi chuchunpis pushpunrächu. Payta ashej shamuptenga ¿imatataj rurashun?

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 62:3

Tayta Diospa maquinchöga canquipaj ray jaticunanpaj caycaj corönanömi.

Ezequiel 16:16

Röpayquicunawanmi tolducunata rurashcanqui puytush lömacunacho ïdulucunata aduranayquipaj. Nircorga chay tolducunachönami pï-maywanpis cacushcanqui. Rurashayquinöga manami imaypis cashachu ni mananami cangapänapischu.

Ezequiel 16:22

Melanaypaj pï-maywanpis cacuycällarmi mana yarpanquinachu wamra car imano cashayquitapis. Chay öraga caycarayqui galallami. Yawarllami jaytacachaycarayqui.

Ezequiel 16:6

« ‹Gampa ñaupayquipa noga päsarä. Yawarllachöraj jaytacachaycajta ricar «ama wañuychu.

Oseas 2:3

Mana chayno ruraptenga quiquëmi pengaypaj garapachashaj. Yurishantano galallatami cachaycushaj. Chunyajmanmi ticrarachishaj. Chayno rurar yacunaypitami wañuchishaj.

Hechos 7:17

«Abrahampita mirajcunata jorgunanpaj Tayta Dios aunishan wallcana pishiptin Israelcunaga Egiptucho aypallamanna mirasha caran.

Deuteronomio 1:10

Tayta Diosmi gamcunataga bindisyunta gosha-cashunqui aypallaman miranayquipaj. Chaymi cananga goyllarcunano aypalla caycanqui.

Deuteronomio 1:11

Unay famillyanchïcuna rispitashan Tayta Dios aunimashanchïno bindisyunta goyculläshunqui canan caycashayquicunapita waranga cutipa mas aypallaman miranayquipaj.

Deuteronomio 4:8

Juc nasyun runacunapa laynincunapis manami gamcunapa layniquicunanöchu caycan. Gamcunata canan yachachishä laycunaga paycunapa laynincunapita mas allimi caycan.