Ezequiel 16:16 - Tayta Diosninchi Isquirbichishan

¹⁶ Röpayquicunawanmi tolducunata rurashcanqui puytush lömacunacho ïdulucunata aduranayquipaj. Nircorga chay tolducunachönami pï-maywanpis cacushcanqui. Rurashayquinöga manami imaypis cashachu ni mananami cangapänapischu.

Ezequiel 16:16 ပူးပေါင်းရင်းမြစ်များ

2 Reyes 23:7

Chayno juchuchiran ïdulucunata adurar ollgu-pura warmiwanno cacunan wasitapis. Chay cuartucunaga caycaran Tayta Diospa Templuncho. Chay cuartucunachöga warmicuna awaj Asera diosa-niraj ïdulupämi.

2 Crónicas 28:24

Acazga Tayta Diosta sirbinanpaj Templucho caycaj cösacunatapis paquir-usharan. Templupa puncuncunatapis wichgachiran. Nircur Jerusalenpa intëru isquïnancunacho altarcunata rurachiran.

Isaías 57:7

Altunnin puntacunachömi cämayquitapis camacächishcanqui. Chaycamami wichashcanqui sacrifisyucunata garanayquipaj.

Jeremías 2:10

«¿Caycho cashanno mayllachöga cashachuraj? Mä ayway inti yagamunan caj-lächo caycaj lamar chaupin tishgucunacho tiyaycajcunata sumaj ricamunayquipaj. Cedarman pitapis cachacuy imano cashantapis musyananpaj.

Ezequiel 16:15

« ‹Ichanga chayno cuyayllapaj cayniquiwan, pï-maypitapis rejsisha cayniquiwanmi mañösaman ticrashcanqui. Chaymi chaypa päsaj cajwanga pï-maywanpis cacushcanqui.

Ezequiel 16:17

Guellaypita, goripita cuyayllapaj aläjacunata goycushäpitami rurashcanqui ollgu runatano. Nircorga chaycunawan juchata rurashcanqui.

Ezequiel 23:1

Tayta Dios yapay nimaran:

Ezequiel 7:20

Cuyayllapaj gori adurnucunata chararmi alli-tucuran. Chaynöpis chay adurnucunapitami melanaypaj ïduluncunata ruracarcäriran. Chaypitami chay adurnuncunata nogaga melanaypajman ticrarachishaj.

Oseas 2:10

Cuyashancuna ricapaycaptinmi garapächullata cachaycushaj. Maquëpitaga manami pipis salbangachu.

Oseas 2:8

«Ichanga pay manami cuentata gocuyta munashachu rïguta, bïnuta, asëtitapis noga tarichishäta. Nogami guellayta goritapis aypallata tarichirä. Chaycunapitami Baal dios-niraj ïdulucunata ruracarcärisha.