Ezequiel 12:23 - Tayta Diosninchi Isquirbichishan

²³ Cananga mana wiyacoj runacunata niy: ‹Caynömi Tayta Dios nin: Nogami camacächishaj Israelcho chay rimayta yapayga manana parlananpaj. Nircur willanqui profëtäcunawan suyñuyninchöno ricachishäcuna cumlinanpaj wallcallana pishiycashanta.

Ezequiel 12:23 ပူးပေါင်းရင်းမြစ်များ

Salmos 37:13

Tayta Diosmi ichanga paycunapaj asicun. Musyaycannami fiyucuna illgänanpaj cashanta.

Isaías 28:22

Chaymi amana caynachu mana rispitacöga. Mana rispitacoj captiqui wataraycäshushayqui cadina mastami apritacäconga. Nogaga wiyashcänami munayniyoj Tayta Dios cay nasyunta ushajpaj illgächinanpaj mayna nishanta.

Ezequiel 12:25

Cananga quiquë Tayta Diosmi rimaj-aywä. Chay nishäcunaga manapis aycällatami cumlicanga. Mana wiyacoj runacuna, chaycuna cumlejtaga quiquiquicunami ricanquipäpis. Nogami rimashaj. Nircur rimashätaga cumlishämi. Noga Tayta Diosmi chayno në.› »

Ezequiel 16:44

« ‹Llapan runacunami gampäga rimayta parlanga: «¡Mamallanrämi wawanga!» nir.

Ezequiel 18:3

«Ichanga noga Tayta Dios në: Israelchöga imaypis mananami yapayga chay rimayta rimanganachu.

Ezequiel 7:2

«Runa, noga Tayta Diosmi Israel nasyunta cayno në: ‹Ushacänayqui junaj chayaycämunnami. Intëru pacha ushacänanpäpis chayaycämunnami.

Joel 2:1

Sioncho trompëtata tucay-llapa. Tayta Dios acrashan rispitädu jircacho willacachiy musyananpaj. Judächo tiyaycajcunaga llapayqui manchariywan sicsicyay. Tayta Dios jusganan junäga chayaycämunnami.

Sofonías 1:14

Tayta Dios jusganan junaj chayamunanpäga wallcanami pishin. Chay junäga rätumi chayaraycamoj-aywan. Chay junäga canga fiyupa manchariypämi. Chaura mana manchacojnin cajpis gaparangami.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Mateo 24:34

Sumaj tantiyacuy. Canan cawaycaj runacuna manaräpis wañuptinmi chaycunaga cumlicangapaj.