Ezequiel 12:16 - Tayta Diosninchi Isquirbichishan

¹⁶ Chaypis camacächishämi juc ishcay runacuna guërracho mana wañunanpaj, gueshyawan yargaywan mana wañunanpaj. Chaynöpanami juc nasyuncunaman chayashpan willaconga ‹melanaypajcunatami rurarä› nir. Chayrämi musyanga noga Tayta Diosnin cashätapis.»

Ezequiel 12:16 ပူးပေါင်းရင်းမြစ်များ

Génesis 13:16

Gampita mirajcunaga ñuchu allpano yupaytapis mana atipaypaj mirananpämi camacächishaj.

Salmos 59:12

Llapan rimashanchöpis juchallatami rimarcaycan. Quiquincuna runa-tucushanpita, manacajcunata jurashanpita mana alliman chayaycuchun ari.

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

Isaías 10:19

Chauraga muntichöpis wallcallanami guerucuna quëdanga. Quëdaj guerucunataga wamrallapis yupanganami.

Isaías 10:22

Israel runacuna lamar cantuncho agushnöraj aypalla cashpanpis wallcajllanami cutimonga. Paycunataga Tayta Diosmi jusganga. Illgächinanpaj camacächishanami caycan.

Isaías 24:13

Runaga wallcallanami cay pachacho quëdanga. Olivota pallar ushajpaj shicwananpaj wiruptin juc ishcay quëdashannöllana, cosëcha ushay quëdaj übasta ashishannöllanami quëdanga.

Isaías 6:13

Nasyuncho cada chuncapita jucnaylla quëdasha captinpis ushajpämi illgächishaj. Ichanga gueruta muturiptin runcun quëdashannömi quëdanga. Chaypitami Tayta Dios acrashan chillguimonga.»

Jeremías 30:11

Nogaga gamwanmi caycä imapitapis salbanäpaj. Maychöpis jitarishächo caycashayqui nasyun runacunataga llapantami wañuchishaj. Gamcunatami ichanga mana wañuchishayquipächu. Chaypa ruquenga rurashayquimanno castigayllami castigashayqui. Jina castigänillataga manami cachaycushayquipächu.

Jeremías 4:27

Tayta Diosmi cayno nin: «Cay pachacho cajtaga llapantami illgächishaj. Ichanga manami ushajpäga illgächishärächu.

Ezequiel 12:15

Juc-lä nasyuncunaman machiypa-machir prësu aywashpanrämi paycunaga musyanga noga rasunpa Tayta Dios cashäta.

Ezequiel 12:17

Tayta Diosga nogata yapay nimaran:

Ezequiel 14:21

«Noga Tayta Dios në: Mas piyur-rämi canga Jerusalenta chuscu casta castïguwan castigaptëga. Chay castïgucunaga caycan: guërra, yargay, gueshya, micucoj animalcuna. Chaycunaga runata, uywatapis wañuchengami.

Ezequiel 36:20

Ichanga, may marcamanpis paycuna chayashanchöga nogata manacajmanmi churamaj. Chay particho tiyaj runacunana nej: ‹Paycunaga Dios acrashan runacunami. Acrashan caycarpis nasyunninpita jitaricämusha› nir.

Ezequiel 36:31

Mana allita rurashayquipita, imanöpis goyashayquipita, juchasapa cashayquita yarpärishpayquega quiquiquicunami fiyupa pengacunquipaj.

Ezequiel 7:15

Siudä rurichöga gueshyawan yargaywanmi runacuna wañonga. Wajtacho, chacracho caycajcunanami guërracho wañonga.

Mateo 24:22

Acrashan runacunata cuyaparmi Tayta Diosga chay ñacay junajcunata wallcayächenga. Man'chäga manami pipis salbacunmanchu.

Mateo 7:14

Quichqui cajpa yaycojcunami ichanga quichqui nänipa aywarcaycan imaycamapis cawananpaj. Wallcajllami chaypa aywarcaycan. Gamcunaga quichqui puncupa yaycuy ari.

Romanos 9:27

Israel runacunapänami ichanga Isaías cayno niran: «Lamar cantuncho agushnöraj Israel runacuna aypalla captinpis wallcajllatami Tayta Dios salbanga.