Ezequiel 1:16 - Tayta Diosninchi Isquirbichishan

¹⁶ Chaura chuscu ruyrancunaga caycaran chay-nirajlla. Achicyaycaran achicyaj «topacio» rumino. Chay ruyracunapa rurinpa mas juc ruyracunapis chacaraycaran.

Ezequiel 1:16 ပူးပေါင်းရင်းမြစ်များ

1 Reyes 7:33

Ruyrancunapis caran cawallu garchashan carrëtapa ruyran-niraj. Llapanninpis caran runsipita rurashalla: ruyra charirajninpis, ruyra cantun tumarejpis, chaupipita tucnajnincunapis.

Job 9:10

Payga tucuy-niraj mana atipaypaj milagrucunatami ruran. Chaycunaga yupaytapis mana atipaypämi.

Salmos 36:6

Alli arriglaj cashayquega altunnin puntacunanömi. Imano cananpaj nishayquipis jatun lamarno rurimi. Tayta Dios, gammi ricaycanqui runacunata, animalcunatapis.

Salmos 40:5

Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.

Éxodo 39:13

Ushanan caj fïlacho caycaran: Berilo, ónice, jaspe. Chay rumicunaga llapanpis caycaran goripita awaypano rurashacho cañichisha.

Cantares 5:14

Maquincunapis caycan gori surtïjapa ñawinman perlascunata churapashanömi. Cuerpunpis caycan camaraj llushway.

Daniel 10:6

Quiquin runapa cuerponga achicyaycachaycaran cuestaj topacio ruminöraj. Cäranpis illguynöraj achicyaypa achicyaycaran. Ñawincunapis shansharaycaran achqui rataycajno. Maquincunawan chaquincunanami runsi achicyajnöraj achicyaycachaycaran. Rimashanpis aypalla runa jararaylla rimaycajnöraj wiyacaycaran.

Daniel 7:9

«Chayno ricapaycaptillämi jamacuna silluncuna yurircuran. Chayman juc auquin jamaycuran. Paypa röpanna caran rashtano yuraj. Ajchanpis caycaran tagshasha yuraj millwanöraj. Jamacuna sillunwan ruyranga caycasha nina ratataycajmi.

Romanos 11:33

Tayta Diosninchëga fiyupa cuyapäcojmi. Payga fiyupa yachajmi y musyajmi. Manami pay imata munashanta ni rurashantapis tantiyayta atipanchïchu.

Efesios 3:10

Chaynöpami cananga Jesucristuman yäracojcuna cayninpa dyablucunapis anjilcunapis tantiyaconga Tayta Diosninchi llapanpaj yarpaysapa cashanta.