Éxodo 9:23 - Tayta Diosninchi Isquirbichishan

²³ Tucrunta Moisés janajman jogariptin jinan öra Tayta Dios räyuchiran. Runtu tamyatapis tamyachiran. Chaynömi Tayta Diosga intëru Egiptuta runtu tamyawan ushachiran.

Éxodo 9:23 ပူးပေါင်းရင်းမြစ်များ

Génesis 19:24

Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Job 37:13

Aybësiga chaycunawanmi Tayta Diosga cay pachata castigan. Aybësiga cuyapäcoj cashanta musyachimanchi.

Salmos 147:17

Tayta Diosmi runtu tamyatapis gasapatano shicwachimun. Pay gasächiptinmi yacupis tinticäcun.

Salmos 148:8

Tayta Diosta alabay räyu, runtu tamya. Alabay rashta, pucutay. Tayta Dios nishanta wiyacoj löcu wayra alabay.

Salmos 18:13

Janaj pachacho caycaj Tayta Diosmi runtu tamyatawan ratataycaj shanshata tamyachimuran. Räyuno busninwan parlamuran.

Salmos 29:3

Tayta Diospa busnenga lamar jananpitami wiyacämun. Syëlucho caycaj Tayta Diosmi junruruchimun. Tayta Diosga intëru lamar jananchöpis caycanmi.

Salmos 77:18

Shucucuy wayracho räyuyqui pashtashanpis wiyacashami. Illguyniqui achicyashpanmi intëru mundutapis achicyachin. Cay pachapis timlurcunawan cuyuriran.

Éxodo 19:16

Chay quimsa junajman wararcuptenga puntata yana pucutay ñiticurcuran. Fiyupa räyupis illguypis caran. Uyshapa wagran wagamushanpis wiyacämuran. Chaura llapan Israelcuna manchariywan sicsicyaran.

Éxodo 20:18

Chay öra Israelcunaga wiyaran räyu junrurushanta, uyshapa wagran wagamushantapis. Ricaran illgömushanta, jirca goshtashanta. Chaymi fiyupa manchacushpan carullachöna carcaycaran.

Éxodo 9:18

Chaypitami wara cayno öra noga tamyachimushaj runtuta. Cay Egiptumanga manarämi imaypis runtumusharächu wara runtumunanpaj caycashannöga.

Éxodo 9:24

Mana chawarannachu illguypis, räyupis, runtu tamyapis. Egiptuchöga manami imaypis chayno caranchu.

Isaías 30:30

Asiriata ushananpaj shamur Tayta Diosga fiyupa manchariypaj munayniyoj busnintami wiyacächenga. Rabyashpanmi fiyupa castigangapaj räyuwan, löcu tamyawan, runtuwanpis ima-aycatapis ushacurcoj ninawannöraj.

Ezequiel 38:22

Chay runacunataga achca gueshyawan castigashaj fiyupa ñacar jinan öra wañunanpaj. Chaynömi camacächishaj payman, suldäruncunaman, waquin marca runacuna yanapaycajmanpis fiyupa löcu tamyantin, runtu tamya, nina rataycaj asufri tamyananpaj.

Josué 10:11

Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Apocalipsis 16:18

Chaura achicyaypa achicyar illgömuran. Räyupis junrururan. Timlur captin pachapis fiyupa sicsicyaran. Runacunaga manami imaypis ricaranchu chayno timlur cajta.

Apocalipsis 16:21

Syëlupitanami chuscu arröbano runtu tamya runacunapa jananman tamyamuran. Chay runtu tamyawan ñacar runacunaga Tayta Diospa contran fiyupa rimaran.

Apocalipsis 8:7

Rimir caj anjil trompëtata tucaptin yawarwan nina tallusha runtu tamya cay pachaman tamyamuran. Chaura cay pachacho cajtaga pullanpita mastami ruparan yöracunatawan guewatapis.