Éxodo 40:38 - Tayta Diosninchi Isquirbichishan

³⁸ Junajpami Tincuna Toldu janancho pucutay caycaj. Chacaypanami Tincuna Toldu janancho nina rataycaj. Llapan Israelcuna ricaymi pucutaypis ninapis caran. Chaynöllami caran Israel runacuna chunyajpa purishancamaga.

Éxodo 40:38 ပူးပေါင်းရင်းမြစ်များ

2 Samuel 7:6

Israelcunata Egiptupita jorgamushä junajpita-pacha manami goyashcächu templucunachöga. Imaypis purishcä toldullachömi.

Salmos 105:39

Tayta Dios pucutayta mashtacächiran chapänanpaj. Chacaypana achquiparan nina rataycajwan.

Salmos 78:14

Junajpaga pushaptin pucutay ichiraycaj ñaupaparan. Chacaypana nina rataycajwan achquiparan.

Éxodo 13:21

Israelcunata pushashpan Tayta Diosga junajpa aywaran ichiraycaj pucutaycho, chacaypana achquipänanpaj ichiraycaj ninacho. Chaynöpami chacaypa junajpapis Israelcunaga aywaran.

Éxodo 13:22

Chay ichiraycaj pucutayga junajpa mana illgaypa paycunapa ñaupa-puntanta aywaycaran. Chacaypana ichiraycaj nina rataycaj mana illgaypa ñaupa-puntanta aywaycaran.

Números 10:34

Israelcuna aywacuptenga Tayta Dios yurichishan pucutay aywaj Israelcunapa janallanta.

Números 9:12

Pishtashayqui cashnipataga ima tulluntapis ama paquinquichu. Chay junajlla ushajpaj micunqui. Waranninpäga imatapis ama puchöchinquichu. Pascuataga ruranqui willapashänölla.

Números 9:15

Tincuna Tolduta ichichiyta ushashan junäga pucutay chapacurcuran. Pacha chacarcuptenga Toldu janancho yuricurcoj nina rataycarna. Chaynölla caj pacha waränancama.

Números 9:16

Chaynöllami waran-waran rataran. Junajpaga pucutay chaparaj; chacaypana nina rataj.