Éxodo 35:21 - Tayta Diosninchi Isquirbichishan

²¹ Chaymi Tincuna Tolduta jatarachinanpaj ofrendata churayta munajcuna Tayta Diospaj apamuran. Chaynöpis apamuran Tincuna Tolducho cananpaj caj cösacunata rurananpaj y cüra jaticunan rispitädu röpacunata rurananpäpis.

Éxodo 35:21 ပူးပေါင်းရင်းမြစ်များ

2 Samuel 7:27

«Munayniyoj Tayta Dios gammi tantiyachimashcanqui nogapita mirar aywajcuna imaypis raycuna cananpaj cashanta. Chayno captinmi sirbishojniqui car chay aunimashayquita cumlinayquipaj mana manchaypa gamta mañacamö.

1 Crónicas 28:2

Davidga chaupiman ichiycur niran: «Marca-masëcuna, mandashä runacuna wiyaycäramay ari. Noga munarä Tayta Diospa rispitädu babulnin imaycamapis churaränanpaj jatun wasita aruchiyta, Tayta Diosninchïpa jamanan cananpaj. Aruchinäpämi llapanta camarishcä.

1 Crónicas 28:9

«Salomón, gamga rispitashä Tayta Diosta rispitar sirbinqui llapan shonguyquiwan, llapan callpayquiwan. Tayta Diosga musyanmi imata yarpaycashayquitapis. Gam payman yäracuptiquega yanapäshunquipämi. Payta gongaycuptiquimi ichanga paypis cachaycushunquipaj para-simrina.

1 Crónicas 29:14

«Ichanga ¿pitaj noga cä? ¿Imataj caycan marca-masëcunapis chaychicanpa ima-aycatapis goycunäcunapäga? Rasunpaga llapantapis gampitami tarishcäcuna. Tarichimashallayquitami cashgan gamta cutiycächë.

1 Crónicas 29:3

Templupaj shuntashäpa jananmanpis amatar rispitarmi Diosnëpaj goycö quiquëpa cajcunatapis: goritawan yuraj guellayta.

1 Crónicas 29:8

Cuyayllapaj achicyaypa achicyaj rumicunata charajcunapis goycuran Tayta Diospa Templunpaj shuntashanta charaycaj runaman. Charaycaj runaga caran Gersonpita mirar aywaj Jehielmi.

1 Crónicas 29:9

Llapan runacuna fiyupami cushicuran quiquincunapa buluntäninpita Tayta Diospa Templun ruracänanpaj goycärir. Quiquin ray Davidpis fiyupami cushicuran.

Esdras 2:68

Jerusalencho Tayta Diospa Templunman chayaycärir waquin famillyapa mandajnincuna goycäriran Templuta unay cashallancho yapay jatarachinanpaj.

Esdras 7:27

Chaura cartata liguircur Esdrasga Tayta Diosta alabaran: «Unay awilöcuna sirbishan Tayta Dios fiyupa alabasha caycullächun. Paymi raypa shongunta shacyächisha Templun Jerusalencho caycajta rispitananpaj.

Salmos 110:3

Pillyashayqui junaj mandashayqui runacunaga gam cajmanmi shuntacämonga. Chay runacuna gampäga canga pacha waraptin shullay caycajnömi.

Éxodo 25:2

«Israelcunata willay nogapaj ofrendata apamunanpaj. Ofrendata churayta munaj cäga llapan shongunpa churachun.

Éxodo 35:20

Chaura llapan Israelcuna Moiseswan goturpaycashanpita cuticuran imatapis capushanpita apamunanpaj.

Éxodo 35:22

Ollgupis warmipis shongun shacyaptin ofrendata goyta munajcuna apamuran ticpicunata, surtïjacunata, wallgancunata, jatirashan arëticunata, goripita rurashan cajtaga imatapis. Cada ünunmi ima-aycatapis goripita cajta Tayta Diospaj apamuran.

Éxodo 35:26

Puchcay yachaj warmicunana cabrapa ajchanta puchcaran.

Éxodo 35:29

Israel runacuna ollgupis warmipis ofrendata churayta munaj cäga buluntänin cashanpita apapäcamuran Tayta Dios Moisesta nishan cajcunata llapanta rurachinanpaj.

Éxodo 35:5

Tayta Diospaj ofrendata goycärinayquipaj gamcuna shuntanqui. Shonguyqui shacyashanpita Tayta Diospaj ofrendata churayta munaj cäga gamcuna apamunqui: gorita, guellayta, runsita,

Éxodo 36:2

Moisés gayaran Bezaleelta, Aholiabta, chayno waquin ima rurayta yachaj cajcunatapis Tayta Dios yachayta goshancunata, quiquinpa buluntänillanpita yanapayta munaj runacunatapis.

Proverbios 4:23

Ima-aycayquitapis cuydashayquipita masta cuyday shonguyquicho yarpashayquicunata. Yarpashayqui imanöpis cashanpitami goyanqui allipis u mana allipis.

Jeremías 30:21

Quiquincunapitami juc mandaj jatarenga. Llapanta mandananpaj quiquincunapitami yurenga. Pay ñaupächo cananpämi camacächishaj. Chayno mana camacächiptëga ¿piraj ñaupäman chayamunman?

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

2 Corintios 8:12

Pipis llapan shongunpa goycoj cajtaga Tayta Dios chasquinmi puydishanpita aycallatapis churaptin. Mana charaj cajtaga Tayta Diosninchi manami «churay» nimanchïchu.

2 Corintios 9:7

Gamcunapis ofrendata gonqui shonguyqui munashannölla. Mana munaycarga ofrendata ama gonquichu. Tayta Diosninchëga cuyan cushisha alli shongunwan goycojtami.

Jueces 5:12

«Ricchay, jatariy Débora. Juc birsuta cantay. Abinoampa wamran Barac prësuyquicunata apacuy.

Jueces 5:3

Raycunapis, llapayqui wiyamay. Mandajcunapis, wiyaycäramay. Israelcuna rispitar adurashan Tayta Diostami alabä.

Jueces 5:9

«Nogaga llapan shongöpami cushicö Israelcunapa mandajnincunapaj, pillyaj aywaj marca-masëcunapaj. Tayta Diosta llapayqui alabay.