Éxodo 31:17 - Tayta Diosninchi Isquirbichishan

¹⁷ «Nogaga syëlutawan allpata sojta junajcho camarcur warannin junajcho jamarä. Chaymi chay junäga imaycamapis juc señal canga.»

Éxodo 31:17 ပူးပေါင်းရင်းမြစ်များ

Génesis 1:31

Llapan rurashancuna amatar alli cashanta ricar Dios cushicuran. Chaycunatami camaran sojta caj junajcho.

Job 38:7

pacha yur'gaycaptin shanariypa shanarir goyllarcuna cantaycaptin, syëlucho sirbimajcuna fiyupa cushicurcaycaptin?

Salmos 104:31

Tayta Dios munayniyoj cashayquega para-simrimi. Llapan rurashayquipis cachun cushicachishunayquipaj.

Éxodo 20:11

Tayta Diosga sojta junajchömi cay pachata rurayta usharan cay pachacho cajcunatapis, syëluta syëlucho cajcunatapis, lamarta lamarcho cajcunatapis. Ganchis caj junajchöga Tayta Dios jamarannami. Chaymi chay junajpäga niran payta rispitanan junaj cananpaj.

Éxodo 31:13

«Israel-masiquicunata willapanqui säbadu jamay junaj cananpaj nishächo jamananpaj. Säbadu jamay junäga caycan juc señalmi gamcunata, wamrayquicunata, paycunapita mirajcunatapis acrashäta musyanayquipaj.

Éxodo 31:16

«Chaynöpami Israelcunaga nishänölla säbadu jamay junajta imaycamapis rispitanga. Chayno rispitarga conträtu rurashanchïtami imaypis cumlenga.

Isaías 58:13

«Säbadu jamay junajtaga rispitay. Chay junajchöga ama imatapis ranticunacuychu. Chay junäga gamcunapaj cachun cushicuy junaj. Tayta Diosniqui acrashan junaj captin rispitädu cachun. Ima rurayniquitapis cachaycur chay junajtaga rispitanqui. Quiquiqui allicho canallayquipäga ama imatapis ruraychu. Manacajcunata ama rimaychu.

Jeremías 32:41

Alli goyänanpaj paycunata yanapashpämi cushicushaj. Llapan shongöwan cuyashpämi paycunata cay nasyunman tiyachishaj.

Ezequiel 20:12

Chaynöpis willaparä säbadu jamay junajcunacho jamananpaj. Jamay junäga paycunapajwan nogapaj señalno cananpaj yachachirä. Chaynöpa noga Tayta Diosnin cashäta yarpänanpämi yachachirä.

Ezequiel 20:20

Säbadu jamay-junajtapis sumaj rispitay. Jamay junäga caycan juc señalmi gamcunata acrashäta musyanayquipaj. Chayrämi musyanquipaj noga Tayta Diosniqui cashäta» nir.

Hebreos 4:10

Imanömi Tayta Diosninchïpis llapanta camaycur jamaran chaynömi Tayta Dios jamayta tarichishanman yaycorga llapan aruypitapis jamanga.